E Crop Survey : शेतकऱ्यांना ई पीक पाहणी आवश्यक; नोंदणीसाठी १५ सप्टेंबरपर्यंत मुदत

रामू ढाकणे 

छत्रपती संभाजीनगर : शेतात लागवड केलेल्या पिकांनी माहिती सरकारपर्यंत जाण्यासाठी ई पीक पाहणी यंत्रणा सुरु काण्यात आली आहे. यावर शेतकऱ्यांना नोंदणी करणे आवश्यक आहे. कारण हि नोंदणी केल्यानंतरच शेतकऱ्यांना सरकारी मदतीचा लाभ मिळू शकणार आहे. यासाठी या नोंदणीला १ ऑगस्टपासून सुरवात करण्यात येत आहे. 

शेतकऱ्याने (farmer) आपल्या शेतात पिकलेल्या मालाची माहिती सरकारला देण्यासाठी मागील चार वर्षापासून ई पीक पाहण्याची प्रणाली सुरू करण्यात आली आहे. यंदा पिक पाहणी न करू शकलेल्या शेतकऱ्यांना सरकारी मदत तसेच पीक विमा पासून वंचित राहावे लागण्याची शक्यता आहे. कारण सरकारने शेतकऱ्यांना मदत देताना ई पीक पाहणी बंधनकारक केली आहे. याची नोंदणी केल्यास शेतकऱ्याला (Sambhajinagar) पीक नुकसान अन्य काही सरकारी मदत असो याचा लाभ मिळू शकणार आहे. ज्यांनी नोंदणी केली नाही; त्या शेतकऱ्यांना लाभ मिळणे कठीण आहे. 

१५ सप्टेंबरपर्यंत मुदत 

शेतकऱ्यांनी ई पीक पाहणी यंत्रणेवर नोंदणी करण्यास १ ऑगस्टपासून सुरुवात होणार आहे. याची मुदत १५ सप्टेंबरपर्यंत असून शेतकऱ्यांना या कालावधीत नोंदणी करता येईल. त्यामुळं सर्वांनी मुदतीच्या आत पीक पाहणी करावी असं आवाहन कृषी विभागाने केले आहे.