Pitru Paksha 2023 : पितृपक्षाचा परिणाम, भाजीपाल्याचे दर गगनाला भिडले

Pune News : पितृपक्ष सुरु होताच भाजीपाल्यांच्या मागणीत वाढ झाली आहे. दुसरीकडे पावसामुळे पालेभाज्या खराब होऊन उत्पादनात कमालीची घट होऊन आवक घटली आहे. परिणामी आठवडेबाजारात तरकारी मालासह भाजीपाला महागल्याचे चित्र आहे. (Maharashtra News)

गणेशोत्सव संपताच पितृपक्षाला (pitru paksha 2023) सुरुवात झाली आहे. पितृपक्षात पितरांना भोजन घालण्याची परंपरा आहे. यासाठी आख्यिकेनुसार विविध प्रकारच्या भाज्यांना मागणी असते.

त्यात एक मिश्र भाजी ही अगत्याने असतेच परंतु, यंदा परतीचा पाऊस आणि त्यात अतिवृष्टीने भाजीपाला पिकांचे मोठ्या प्रमाणात नुकसान होवून विविध भाज्यांची बाजारात आवक घटली आहे.

दरम्यान मागणी वाढल्याने भाजीपाल्याचे दर दुपट्टी, तिप्पटीने वाढून गगनालाच भिडले आहेत. यात भाज्यांची चव वाढविणारी कोथींबीरही महागली आहे. गणेशोत्सवाच्या पूर्वी भाजीपाल्याचे दर कमालीने पडले होते.

वांगे, टोमॅटो, भेंडी आदींना १० ते २० रुपये प्रति किलोचा दर मिळत होता, परंतु, गणेशोत्सव सुरू होताच भाजीपाला कडाडला. भाजीपाल्याच्या दरात दुपट्टीने वाढ झाली आहे. आता पितृपक्षात तर भाववाढीचा आलेख चढतच आहे. नागरिकांना चढ्या दरानेच भाजीपाला खरेदी करावा लागत आहे.

कृषी उत्पन्न बाजार समिती, मंचर (सर्व कमाल दर)

वाटाणा - 1000 रुपये (प्रति 10 किलो)

दुधी भाेपळा - 300 रुपये

डाेंगर भापेळा - 150

भेंडी - 432

कारले - 300

गवार - 1001

आले - 1100

Edited By : Siddharth Latkar