Cotton Price : दहा महिने सांभाळलेल्या कापसाची सात हजारांत विक्री; कापसाच्या भाववाढीची प्रतिक्षाच

परभणी : भाववाढीच्‍या अपेक्षेने शेतकऱ्याने कापूस घरातच ठेवला होता. तब्‍बल दहा महिने घरात सांभाळून ठेवलेला (Cotton) कापूस आता सात हजार रूपये प्रतिक्‍वींटल दराने विक्री करावा लागत आहे. अर्थात बळीराजाची कापूस दरवाढीची (Cotton Price) अपेक्षा ही फोल ठरली आहे. (Tajya Batmya)

यंदाच्या हंगामातील खरिपातील कपाशी लागवड अंतिम टप्प्यात असताना दुसरीकडे जुलैच्या दुसऱ्या आठवड्यात भरपावसाळ्यात बाजार समितीच्या यार्डात गेल्या खरिपातील कापसाची आवक सुरू आहे. परभणी जिल्ह्यातील कापूस उत्पादक शेतकऱ्यांच्या हाती पुन्हा निराशा लागली आहे. घरात ठेवलेला कापूस आता नाईलाजास्‍तव मिळेल त्‍या दरात विक्रीसाठी काढावा लागत आहे.

आतापर्यंत होती अपेक्षा

नोव्‍हेंबरच्या सुरुवातीला ९ हजार ४०० इतका भाव कापसाला होता. परंतु कापसाच्‍या भावात वाढ होईल व पावसाळ्यात कापसाला योग्य दर मिळेल; अशी अपेक्षा होती. परंतु दहा महिने सांभाळलेल्या कापसाला आता केवळ सात हजारांचा दर मिळत आहे. कापसाच्या भाववाढीची अपेक्षा साफ फोल ठरल्याने शेतकऱ्यांना (Farmer) मनस्ताप सहन करावा लागत आहे.