Bribe Trap : महापालिकेच्या पाणीपुरवठा कर्मचाऱ्यास लाच घेताना अटक

अक्षय बडवे

पुणे : पुणे महापालिकेच्या पाणीपुरवठा विभागातून ना-हरकत प्रमाणपत्र देण्यासाठी २५ हजार रुपयांची लाच (Bribe) घेताना पाणीपुरवठा कर्मचाऱ्यास अटक केली आहे. लाचलुचपत प्रतिबंधक विभागाने (ACB)) ही कारवाई केली आहे. (Live Marathi News)

मिळालेल्या माहितीनुसार पुणे येथील एका बांधकाम व्यावसायिकाला मिळकतीसाठी पाणीपुरवठा विभागाकडून ना- हरकत प्रमाणपत्र घ्यायचे होते. त्यासाठी तक्रारदार यांनी कर्वे रस्त्यावरील चतु:शृंगी पाणीपुरवठा विभागात अर्ज केला होता. तक्रारदार पाणीपुरवठा विभागात गेले. त्यावेळी उमेश राजाराम कवठेकर याने ना-हरकत (Pune) प्रमाणपत्रासाठी २५ हजार रुपयांची लाच मागितली. याबाबत तक्रारदाराने एसीबीच्या कार्यालयात अर्ज दिला.

लाच घेताना ताब्यात

एसीबीच्या पथकाने पडताळणी करून सापळा रचला. या दरम्‍यान मंगळवारी (११ जुलै) चतु:शृंगी पाणीपुरवठा विभागात सापळा रचून कवठेकर याला लाच घेताना ताब्यात घेतले. या प्रकरणी डेक्कन पोलिस ठाण्यात गुन्हा दाखल केला असून अधिक तपास सुरू आहे.