Onion Price Drop: दरात घसरण सुरूच; कांदा उत्पादक शेतकरी कर्जाच्या विळाख्यात

सागर निकवाडे

नंदूरबार : गुजरात, मध्य प्रदेश आणि महाराष्ट्राच्या सीमावरती भागात मोठ्या प्रमाणात कांदा उत्पादक शेतकरी (Farmer) आहे. येथे मोठ्या प्रमाणात कांद्याचे उत्पादन घेतले जात असते. मात्र उत्पादन खर्च वाढला असून दरातील घट सुरू असल्याने कांदा (Onion) उत्पादक शेतकरी कर्जाच्या विडख्यात सापडल्याचे चित्र आहे. (Letest Marathi News)

कांद्याचे महागडे बियाणे आणि रोपे त्याच्यासोबत कांदा लागवडीसाठी मजुरांची टंचाई अनेक बाबींचा सामना करत कांद्याची लागवड केली. मात्र जेव्हा कांदा काढणी होऊन बाजारात जातो; तेव्हा कांद्याचे दर कसे कमी होतात असा प्रश्न आता शेतकरी उपस्थित करत आहे. त्यामुळे कांदा लागवड सोडून देण्याच्या विचार नंदुरबार जिल्ह्यातील शेतकरी करत आहेत.

लाल कांद्याला मिळतोय कमी दर

महागडी औषधी खते वाढलेले मजुरीचे दर पाहता लाल कांद्यांना दोन हजार रुपये क्विंटलचा दर मिळणे अपेक्षित होते. मात्र लाल कांद्याचे आवक सुरू झाल्यानंतर कांद्याच्या दरात घसरण सुरू झाली आहे. लाल कांदा (Nandurbar News) हजार रुपये प्रति क्विंटलपर्यंत आला आहे. त्यामुळे उत्पादन खर्चही निघत नसल्याने कांदा उत्पादक शेतकरी कर्जाच्या विडाख्यात सापडला आहे. कांद्याच्या दरासंदर्भात राज्य शासनाने ठोस भूमिका घेऊन शेतकऱ्यांना उत्पादन खर्च निघेल, याची तरी हमी द्यावी. नाहीतर कांदा उत्पादक शेतकरी कर्जबाजारी होऊन फाशीचा फांदा गळ्याशी लावल्याशिवाय राहणार नाही अशी स्थिती आहे.