Nanded News : अतिवृष्टीतील नुकसान अनुदानाचे १८३ कोटी शेतकऱ्यांच्या खात्यात; नांदेड जिल्ह्यात रक्कम वाटपास सुरूवात

संजय सूर्यवंशी

नांदेड : अतिवृष्टीमुळे शेतकऱ्यांचे प्राचीन नुकसान झाले होते. या नुकसानीची भरपाई देण्याचे सरकारने (Nanded) जाहीर केले होते. यानंतर आता हि रक्कम शेतकऱ्यांच्या (Farmer) बँक खात्यात जमा होण्यास सुरवात झाली आहे. यामुळे नुकसानग्रस्त शेतकऱ्यांना दिलासा मिळाला आहे. (Maharashtra News)

नांदेड जिल्ह्यात अतिवृष्टीने झालेल्या नुकसान भरपाईचे पैसे शेतकऱ्यांच्या खात्यात जमा होण्यास सुरवात झाली आहे. खरीप हंगामामध्ये अतिवृष्टी (Rain) झाल्याने हताशी आलेले पिक वाया जाऊन शेतकऱ्यांचे लाखोचे नुकसान झाले होते. पंचनामे झाल्यानंतर नुकसानग्रस्तासाठी शासनाने ४२० कोटी ८६ लाख रूपयांचा निधी नांदेड जिल्ह्यासाठी मंजुर करण्यात आला होता. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

दीड महिन्यापुर्वी हा निधी जिल्ह्याला प्राप्त झाला असला तरी प्रत्यक्षात तो शेतकऱ्यांच्या खात्यात जमा होत नसल्याने शेतकरी संतापले होते. मात्र आता प्रत्यक्षात शेतकऱ्यांच्या खात्यात अनुदानाची रक्कम जमा करण्याची प्रक्रिया सुरू झाल्याने शेतकरी आनंदी झाला आहे. नांदेड जिल्ह्यात सुमारे १८३ कोटी १९ लाख रूपये शेतक-यांच्या खात्यात जमा झाल्याने शेतकऱ्यांना दिलासा मिळाला आहे.