Jalgaon News : कर्जबाजारीपणातून शेतकऱ्याने संपविली जीवनयात्रा

जामनेर (जळगाव) : शेतात लागवड केलेल्या पिकातून अपेक्षित उत्पन्न आले नसल्याने करायची याचे टेंशन होते. (Jalgaon) या विवनचनेतून गोंडखेल (ता. जामनेर) येथील ५० वर्षीय शेतकऱ्याने (Farmer) जीवनयात्रा संपविल्याची घटना घडली आहे. यामुळे गावात खळबड उडाली आहे. (Maharashtra News)

गोंडखेल (ता, जामनेर) येथील शेतकरी विश्वनाथ त्र्यंबक वाघ (वय ५०) असे आत्महत्या केलेल्या शेतकऱ्याचे नाव आहे. विश्वनाथ वाघ यांच्याकडे स्वतःच्या मालकीची पाच एकर जमीन होती. पावसाळ्यात शेतजमीन कसून पीक लागवड केली. परंतु अस्मानी व सुलतानी संकटात सापडलेल्या विश्वनाथ वाघ यांच्या समोरील कर्जाचा डोंगर दिवसेंदिवस वाढत चालला होता. शेतातून पिकाचे चांगले उत्पन्न येईल व कर्जफेड करू याची आशा मावळली होती. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

कर्ज फेडीचे संकट 

यामुळे सावकारी व बँकांचे कर्ज कसे फेडावे, या विवंचनेतून त्यांनी आपल्या राहत्या घरात घरात कुणी नसताना गळफास घेऊन आपली जीवनयात्रा संपविली. विश्वनाथ यांच्या पश्चात पत्नी, दोन विवाहित मुली, एक विवाहित मुलगी व एक अविवाहित मुलगा आहे. शवविच्छेदन करून मृतदेह नातेवाइकांच्या ताब्यात देण्यात आला.