Pune News : बनावट दारूच्या ६० हजार बाटल्या जप्त; राज्य उत्पादन शुल्क विभागाची कारवाई

अक्षय बडवे 
पुणे : जुन्या मुंबई- पुणे मार्गावर असलेल्या मामुर्डी गावाजवळ राज्य उत्पादन शुल्क विभागाने मोठी कारवाई केली आहे. (Pune) या कारवाईत ६०० बॉक्समध्ये लपवण्यात आलेल्या बनावट मद्याच्या ६० हजार बाटल्या जप्त करण्यात आल्या आहेत. ज्याची किंमत २१ लाख रुपये आहे. (Tajya Batmya)

जुना मुंबई- पुणे हायवे रोडवर २३ जानेवारीला एक ट्रक मामुरडी गावाजवळ येथून जाणार असल्याची माहिती राज्य उत्पादन शुल्क विभागाला मिळाली होती. यानुसार सापळा रचून अधिकारी कर्मचाऱ्यांनी तो ट्रक अडवत त्याची तपासणी केली. या ट्रकमध्ये गोवा राज्यात निर्मित बनावट देशी (Liquor) दारू रॉकेट संत्रा ९० मि.ली. क्षमतेच्या ६० हजार बाटल्या (६०० बॉक्स) एवढा मुद्देमाल मिळुन आला आहे. या मुद्देमालाची किंमत तब्बल २१ लाख रुपये इतकी आहे. या गुन्ह्यात १५ लाखाच्या वाहनासह एकूण ३६ लाख रुपये किंमतीचा माल जप्त करण्यात आला आहे. 

 ('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

कारखान्यावरही टाकला छापा 
जप्त बनावट देशी मद्य हे गोवा राज्यातील वडावल या ठिकाणी एका पत्र्याच्या गोडावूनमध्ये तयार केले जात असून त्याची विक्री महाराष्ट्र राज्यात केली जाते. याची माहिती समजल्याने या पथकामार्फत गोवा राज्यात जाऊन बनावट देशीमद्य निर्मितीच्या कारखान्यावर छापा घालून बनावट देशी मद्य तयार करण्यासाठी लागणारा १ लाख रुपये किमतीचा मुद्देमाल सीलबंद करण्यात आला. या प्रकरणी झुल्फिकार ताज आली चौधरी व अमित ठाकूर आहेर या दोघांना अटक करण्यात आली आहे. या कारवाईत आतापर्यंत ३८ लाख रुपयांचा मुद्देमाल जप्त करण्यात आला असून अधिक तपास सुरू आहे.