दोंडाईचा (धुळे) : पावसाअभावी, अवकाळी पावसामुळे पिकांची स्थिती चांगली नसल्याने तसेच शेतात केलेल्या (Dhule) कूपनलिकेला चांगले पाणी लागले नसल्याने हताश झालेले शेतकरी (Farmer) हेमराज भटेसिंग गिरासे (वय ४७) यांनी टोकाचे पाऊल उचलले. (Live Marathi News)
पथारे (ता. शिंदखेडा) येथील शेतकरी हेमराज भटेसिंग गिरासे यांनी गुरुवारी (ता.३०) सकाळी साडेअकराच्या सुमारास निमगूळ रस्त्यावरील खळ्यात विषारी औषध प्राशन करीत आत्महत्या केली. याची माहिती त्यांचे लहान भाऊ विरपाल गिरासे (खर्दे ता. शिंदखेडा) यांना मिळाली. त्यांनी नातेवाइकांसह ग्रामस्थांच्या मदतीने खासगी वाहनातून दोंडाईचा उपजिल्हा रुग्णालयात भटेसिंग गिरासे यांना दाखल केले. डॉ. तेजस जैन यांनी तपासून दुपारी साडेबाराला मृत घोषित केले.
('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)
हेमराज गिरासे यांनी शेतीसाठी विविध बँकांतून कर्ज घेतले होते. त्यांनी कर्जबाजारीपणातून आत्महत्या केली असल्याची फिर्याद वीरपाल गिरासे यांनी दोंडाईचा पोलिस ठाण्यात दिली. पोलिसांत आकस्मिक मृत्यूची नोंद झाली. पोलिस निरीक्षक श्रीराम पवार यांच्या मार्गदर्शनाखाली पोलिस शिपाई गावित तपास करीत आहेत.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.