Nira- Baramati Road : गरोदर महिलेला मारहाण; संतप्त कुटुंबीयांचा रास्ता रोको

बारामती : माळेगाव येथे राज्य उत्पादन शुल्क विभागातील अधिकाऱ्यांकडून गरोदर असलेल्या महिलेला मारहाण करण्यात आली होती. (Baramati) सदरची घटना आठ दिवसांपूर्वी घारडली होती. महिलेला झालेल्या या मारहाणीच्या निषेधार्थ नीरा- बारामती रोडवर धनगर कुटुंबियांच्यावतीने आज (Rasta Roko Andolan) रास्ता रोको आंदोलन करण्यात आले. यावेळी मारहाण करणाऱ्यावर गुन्हा दाखल करण्याची मागणी करण्यात आली. (Maharashtra News)

गेल्या आठ दिवसांपासून माळेगाव येथील राज्य उत्पादन शुल्क विभागाच्या अधिकाऱ्यांकडून झालेल्या मारहाणीच्या निषेधार्थ धनगर कुटुंबियांच्यावतीने माळेगाव बंदची हाक देण्यात आली होती. या पार्श्वभूमीवर आज धनगर कुटुंबीयांच्या वतीने निरा- बारामती रस्ता रोको करत आंदोलन करण्यात आले. यावेळी राज्य उत्पादन शुल्क विभागाच्या अधिकाऱ्यांवर गुन्हा दाखल झालाच पाहिजे अशी जोरदार घोषणाबाजी करण्यात आली. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

आठ दिवसापासून पोलीस प्रशासनाला गुन्हा दाखल न केल्याने धनगर कुटुंबीय प्रचंड आक्रमक झाले होते. यावेळी कोणताही अनुचित प्रकार घडू नये; यासाठी पोलीस प्रशासनाच्यावतीने चोख बंदोबस्त करण्यात आला होता. मात्र या घटनेमुळे माळेगावात तणावाचे वातावरण निर्माण झाले होते. गुन्हा दाखल होईपर्यंत आंदोलन मागे घेणार नसल्याची भूमिका आंदोलकांनी केली.