Crop Insurance : धाराशिव जिल्ह्यातील ५४ हजार ७२७ शेतकऱ्यांच्या बँकेत पीकविमा अनुदान

बालाजी सुरवसे 

धाराशिव : पिकांच्या होणाऱ्या नुकसानीला सुरक्षा कवच म्हणून पीक विमा काढण्यात आला होता. दरम्यान पिकांचे नुकसान होऊन देखील (Farmer) शेतकऱ्यांना दोन वर्षांपासून विमा रकमेची प्रतीक्षा होती. मात्र (Dharashiv News) धाराशिव जिल्ह्यातील सहा मंडळातील सुमारे ५४ हजार ७२७ शेतकऱ्याच्या खात्यात पीक विम्याची रक्कम गुरुवारपासून जमा करण्यात येत आहे. (Breaking Marathi News)

धाराशिव जिल्ह्यातील मोहा, पाडोळी, सावरगाव, अनाळा, सलगरा, सोनारी या सहा मंडळातील ५४ हजार ७२७ शेतकऱ्यांना २०२२ खरीप हंगामातील (Crop Insurance) पिक विम्याची रक्कम मिळाली नव्हती. ही रक्कम शेतकऱ्यांच्या खात्यात जमा होण्यास गुरूवारपासुन सुरुवात झाली असुन आगामी दोन दिवसात शेतकऱ्यांच्या खात्यावर ५० कोटी ५० लाख रुपये जमा होणार आहेत; अशी माहिती जिल्हा अधिक्षक कृषी अधिकारी रविंद्र माने यांनी दिली आहे. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

केवायसी करण्याचे आवाहन 

पीक विम्याची रक्कम हि थेट बँक खात्यात जमा केली जात असते. अर्थात ज्याच्या नवे शेतीचा सातबारा आहे. त्याच्या बँक खात्यात रक्कम जमा करण्यास सुरवात झाली असून बँकेच्या खात्याचे केवायसी आवश्यक आहे. यामुळे ज्या शेतकऱ्यांची ई केवायसी राहीली आहे त्यांनी पुर्ण करुन घ्यावी असे आवाहन देखील कृषी विभागाने केले आहे.