बाईक, कार चालवताना भलती स्टंटबाजी करण्याची काही लोकांना फार हौस असते. अनेकदा सोशल मीडियावर चर्चेत येण्यासाठी, फेमस होण्यासाठीही तरुण- तरुणी अनेक स्टंट करत असतात. पण असे स्टंट जीवावरही बेतू शकतात. असाच एक धक्कादायक व्हिडिओ सध्या सोशल मीडियावर व्हायरल होत आहे.
सध्या सोशल मीडियाचा जमाना आहे. सोशल मीडियावर रोज नवनवे व्हिडिओ व्हायरल असतात. कधी जबरदस्त डान्स, कधी मेट्रोत, रेल्वे स्टेशनवर तुफान मारामारी, तर कधी खतरनाक स्टंटबाजीचे व्हिडिओ पाहायला नेटकऱ्यांचे लक्ष वेधतात. असाच एक धक्कादायक व्हिडिओ माध्यमांवर व्हायरल होत आहे.
या व्हिडिओमध्ये एक तरुणी धावत्या कारमध्ये डान्स करताना दिसत आहे. व्हिडिओच्या कॅप्शनवरुन ही दिल्लीमधील घटना असल्याचे सांगितले जात आहे. हा व्हिडिओ समोर आल्यानंतर नेटकऱ्यांनी त्यावर जोरदार प्रतिक्रिया दिल्या आहेत. अनेकांनी सार्वजनिक ठिकाणी अशा प्रकारे हुल्लडबाजी करणे योग्य नसल्याचे म्हणत खडेबोल सुनावले आहेत.
हा व्हायरल व्हिडिओमध्ये तुम्ही पाहू शकता की, कन्व्हर्टिबल कारमध्ये उभी राहून एक तरुणी डान्स करताना दिसत आहे. ही कार रस्त्यावरुन धावत आहे. तरीही जीवाची पर्वा न करता तिचा बिंधास्तपणे डान्स सुरू आहे. त्यामुळेच नेटकऱ्यांनी या व्हिडिओवर संताप व्यक्त केला आहे. अनेकांनी अशा हुल्लबाजांवर कारवाई करावी... अशी ही मागणी केली आहे. (Latest Marathi News)
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.