लहान मुलांपासून ते मोठ्यापर्यंत अनेकजण स्विमिंग करण्याचा आनंद लुटत असतात. शरीराच्या तंदुरुस्तीसाठी स्विमिंग करण चांगलं मानलं जातं. बऱ्याच व्यक्ती स्विमिंग करताना खतरनाक स्टंट करतात. त्यापायी अनेकांचे जीवही जातात तसेच गंभीररीत्या जखमी होतात. अशाच एका स्टंटचा व्हिडिओ सोशल प्लॅटफॉर्मवर व्हायरल होत आहे. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)
व्हायरल व्हिडिओत दिसते की, घरापाठील बाजूस लहान आकाराचा स्विमिंग पूल आहे. या स्विमिंग पूलमध्ये एक तरुण स्टंट करत असतो, तेव्हा स्टंट करण्यासाठी तरुण स्विमिंग पूलच्या बाजूला असलेल्या उंच भिंतीवर उभा राहतो. त्यानंतर स्विमिंग पूलमध्ये उडी मारतो. मात्र स्विमिंग पूलमध्ये स्टंट करण्याचा त्याच्या अंदाज चुकतो अन् सरळ स्विमिंग पूलच्या बाजूला असलेल्या खालच्या कठड्यावर त्याचे डोके धाडकन आपटते.
अंदाज चुकल्यामुळे तरुणाच्या डोक्याला गंभीर दुखापत झालीय. या स्टंटचा व्हिडिओ एक्स अॅपवरील @1000waystod1e या अकाऊंटवर पोस्ट करण्यात आला आहे. याआधीही आपण मोठ्या उंचीवरुन पाण्यात उडी मारण्याच्या नादात जीव गेल्याचे व्हिडिओ पाहिले आहेत. तरीही स्टंट करण्याचा मोह व्यक्तींना सुटत नाही.
एक्स अॅपवरील या व्हायरल व्हिडिओला हजारांच्या घरात लाईक्स मिळालेत, तर मोठ्या प्रमाणात व्ह्यूज मिळत आहेत. अन्य सोशल साईटवर व्हिडिओला नेटकऱ्यांकडून फॉरवर्ड केले जात आहे. नेटकऱ्यांनी असे स्टंट करताना आपली आणि आपल्या घरातील लहान मुलांची विशेष काळजी घेणे गरजेचे आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.