Viral Video: दक्षिण भारतात पुराचा हाहाकार...!भारतीय नौसेना आली धावून; VIDEO पहाच

Rescued Viral Video

बऱ्याच महिन्यांपासून मिचाँग चक्रीवादळामुळे तामिळनाडू आणि आंध्र प्रदेशसह अनेक शहरात, गावात पुरस्थिती निर्माण झाली असून अनेक भाग पाण्याखाली गेले आहेत. यामुळे लोकांचे प्रचंड आर्थिक नुकसान झाले आहे. प्रत्येकजण यांच्या मदतीला धावून जात आहे. अशातच सोशल मीडियावर एक व्हिडिओ व्हायरल होतोय,ज्यात आपल्याला भारतीय नौसेनेने हेलीकॉप्टरच्या साहाय्याने पुरात अडकलेल्या लोकांची सुटका केली आहे.('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

व्हायरल होत असलेला व्हिडिओ @Def_PRO_Chennai या एक्स सोशल प्लॅटफॉर्मवरून पोस्ट करण्यात आला आहे. संबंधित व्हिडिओ तामिळनाडूमधील तिरूनेवेली येथील आहे. व्हिडिओ पोस्ट करत कॅप्शनमध्ये लिहिलं आहे की,तामिळनाडूच्या दक्षिण भागात आलेल्या भीषण पुरानंतर ALH ने तिरुनेलवेली येथे दोन गर्भवती महिलांसह 17 जणांची सुटका केली. तसेच आणखी परिसरातील 25 लोकांना वाचवले.

व्हायरल व्हिडिओत आपल्याला दिसते की, हा व्हिडिओ हेलीकॉप्टरमधील एका व्यक्तीने कैद करण्यात आला आहे. त्यात एक व्यक्ती पुरात एका घरातील टॅरेसवर अडकलेला आहे. त्याच्या मदतीला भारतीय नौसेना धावून आलेली आहे. भारतीय नौसेनेमधील जवान हेलीकॉप्टरच्या साहाय्याने खाली अडकलेल्या व्यक्तीला सोडवत आहेत. यात त्यांनी एक लांब दोरी खाली टाकून त्याला एका मोठ्या जाळीत बसवतात आणि सुखरूप वर आणतात.

भारतीय नौसेनेचा व्हिडिओ व्हायरल होताच नेटकऱ्यांमध्ये मोठ्या प्रमाणात चर्चेत आला आहे. यावर विविध नेटकऱ्यांच्या प्रतिक्रीया येत आहेत. कमेंटस् करत प्रत्येक यूजरने भारतीय नौसेनेचे आभार व्यक्त केलेत. व्हिडिओला मोठ्या प्रमाणात लाईक्स मिळत असून अधिकचे व्ह्यूज मिळत आहेत.