Viral Video: रिल्सच्या नादात जीवाशी खेळ, उंच पुलावरून चालत चालत निघाला, मग पुढे काय झालं तुम्हीच पाहा

Shocking Viral Video: आपल्यापैंकी प्रत्येकजण सोशल मीडियावर सक्रिय आहे. मग सोशल मीडियाच्या माध्यमातून नवीन गोष्टी शिकणे आणि त्यातही नवीन रिल्स पाहणे सध्या प्रत्येकाला आवडत आहे. मात्र त्यातही धोकादायक स्टंट करणे आणि ते सोशल मीडियावर पोस्ट करणे याचे वेड तरुणाईला लागले आहे. अशातच पुन्हा एकदा सोशल मीडियावर एका तरुणाचा धोकादायक स्टंटचा व्हिडिओ व्हायरल होत आहे.

व्हायरल (Viral) होत असलेल्या व्हिडिओत तुम्ही पाहू शकता की, एका नदीच्यावर बांधलेला पूल दिसून येत आहे. या पूलावरुन अनेक वाहनांची ये-जा होत आहे, अशातच तुम्ही व्हिडिओत पाहिले तर एक तरुण आहे जो पूलावर असलेल्या कठड्यावरुन स्टंट करण्याच्या नादात चालताना दिसत आहे. जराही भिती न बाळगता स्टंट (Stunt) करत आहे. सर्व धक्कादायक प्रकार पूलावरुन जाणाऱ्या एका व्यक्तीने मोबाईलमध्ये कैद करत आहे.

व्हायरल होत असलेला व्हिडिओ एक्स या सोशल मीडिया प्लॅटफॉर्मवर पोस्ट करण्यात आलेला आहे. व्हिडिओ पोस्ट करत कॅप्शनमध्ये,''खरगोनमध्ये, लोक सोशल मीडियावर प्रसिद्ध होण्यासाठी आपला जीव धोक्यात घालण्यापासून मागे हटत नाहीत. खरगोन जिल्ह्यातील मंडलेश्वरच्या नर्मदा पुलाचा असाच एक व्हिडिओ व्हायरल होत आहे'',असे लिहिण्यात आलेले आहे.

व्हिडिओ सोशल मीडियावर व्हायरल झाल्यानंतर मोठ्या प्रमाणात नेटकऱ्यांच्या चर्चेत आलेला आहे. व्हिडिओला लाईक्स करण्यासोबतच अनेकांनी व्हिडिओ पाहिल्यानंतर प्रतिक्रियाही दिलेल्या आहेत. त्यातील एका यूजरने लिहिले आहे की,''कारवाई झाली पाहिजे'' तर दुसऱ्या एका यूजरने लिहिले आहे की,'' यांना भिती का वाटत नाही''तर अनेकांनी संतापजनक प्रतिक्रिया आलेल्या आहेत.

टीप : हा व्हिडीओ सोशल मीडियावर व्हायरल होत आहे. याची पडताळणी झालेली नाही. फक्त माहिती म्हणून आम्ही वाचक-प्रेक्षकांपर्यंत ही बाब पोहचवत आहोत. याचं आम्ही कोणत्याही प्रकारे समर्थन करत नाही.