Viral Video: अजब लग्नाची गजब गोष्ट! नवरदेवाने स्वत:च घेतली भटजींची जागा; व्हिडिओ पाहून तुम्ही म्हणाल...

Groom Viral Video: सध्या लग्नसराईचे दिवस सुरू आहेत.त्यातच लग्नाच्या मंडपातील अनेक अशा गोष्टी घडतात,ज्याची चर्चा सर्वत्र रंगते.आता अशाच एका लग्नात घडलेल्या गोष्टीचा व्हिडिओ मोठ्या प्रमाणात व्हायरल झालेला आहे,ज्यात नवरदेवाने चक्क भटजींची भूमिका निभावली आहे.

लग्नकार्य असो वा अन्य कोणताही कार्यक्रम यांमध्ये प्रमुख भुमिका ही भटजींची असते. भटजींच्या मार्गदर्शानाशिवाय कार्यक्रमाची सुरुवात ते पूर्ण कार्यक्रम अपूर्ण असतो.मुख्य म्हणजे लग्न कार्यात भटजींनी सांगितलेल्या विधींशिवाय पूर्ण लग्नाला महत्त्व प्राप्त होत नाही,मात्र सध्या व्हायरल (Viral)होत असलेल्या व्हिडिओतील लग्नात चक्क नवरदेवानेच लग्नातील मंत्र म्हणतं लग्नकार्य उरकले आहे.

व्हायरल होत असलेल्या व्हिडिओत तुम्ही पाहू शकता की,लग्नकार्य सुरु असताना नवरदेव आणि नवरी लग्नातील विधी करत आहेत.मात्र,लग्नातील विधी हे चक्क नवरदेव स्वत:हा म्हणतं आहे आणि सर्व मंडली बाजूला बसलेली आहे.जर नीट पाहिले तर लग्नात भटजी दिसत नाहीत.सध्या हा व्हिडिओ चांगलाच व्हायरल झालेला आहे.

सध्या हा व्हायरल होत असलेला व्हिडिओ(Video) उत्तर प्रदेशमधील असल्याचे समजत आहे,मात्र याची खात्री होऊ शकली नाही.तुम्हाला हा व्हिडिओ इन्स्टाग्राम या सोशल मीडिया प्लॅटफॉर्मवरील 'genzdigest'या अकाउंटवर पाहता येईल.

टीप: लग्नातील हा व्हिडीओ सोशल मीडियावर व्हायरल होत आहे. याची पडताळणी झालेली नाही. फक्त माहिती म्हणून आम्ही वाचक-प्रेक्षकांपर्यंत ही बाब पोहचवत आहोत. याचं आम्ही कोणत्याही प्रकारे समर्थन करत नाही.