Viral Video: आखाड्यातला मित्र पोलिसांच्या सुरक्षा बंदोबस्तात भेटतो तेव्हा, मंत्री मुरलीधर मोहोळ भारावले, काळजाला भिडणारा VIDEO

Murlidhar Mohol Video: आयुष्याच्या जडणघडणीत आपल्याला अनेकांच्या साथ लाभते. आई- वडिल, बहिण-भाऊ आणि पती-पत्नीचे या सर्वांचे नाते आपल्या सर्वांसाठी अमुल्य असतेच. मात्र यांच्या सर्वासोबत पाठीराखा असतो तो म्हणजे मित्र. मित्र अर्थात निस्वार्थ मैत्री. आजपर्यंत आपण मैत्रीबद्दलचे अनेक गोष्टी पाहिल्या, अनुभवल्या किंवा अनेकांकडून त्यासंबंधित गोष्टी ऐकल्या आहेत. सध्या सोशल मीडियावर या मैत्रीचा एक अनोखा व्हिडिओ व्हायरल होत आहे. जो खुद्द केंद्रीय राज्यमंत्री मुरलीधर मोहोळ यांनी त्यांच्या सोशल मीडिया अकाउंटवर पोस्ट केलेला आहे.

व्हायरल होत असलेला व्हिडिओत केंद्रीय राज्यमंत्री मुरलीधर मोहोळ हे त्यांच्या तालमीतील मित्र (friend) भेटतात आणि ते मित्र मुरलीधर मोहोळ यांच्या बंदोबस्तासाठी आलेले असतात. त्यावेळी त्यांचे मित्र त्यांना भेटतात. मग पुढे व्हिडिओत केंद्रीय राज्यमंत्री मुरलीधर मोहोळ हे मित्राच्या खांद्यावर हात ठेवत, इतरांना सांगतात की हे मात्र तालमीतील मित्र आहेत. त्यांच्या सोबत काहीसा संवाद साधतात, असा हा व्हायरल व्हिडिओ (Video) आहे.

व्हायरल होत असलेला व्हिडिओ एक्स या सोशल मीडिया प्लॅटफॉर्मवर सध्या व्हायरल होत आहे. व्हायरल झालेला व्हिडिओ खुद्द केंद्रीय राज्यमंत्री मुरलीधर मोहोळ यांनीच त्यांच्य एक्स ''@mohol_murlidhar'' अकाउंटवर पोस्ट केलेला आहे. व्हिडिओ व्हायरल होताच लाखोंच्या संख्या असलेल्या नेटकऱ्यांनी लाईक्स केलेले असून अजूनही व्हिडिओला व्ह्यूज मिळत आहेत.

व्हिडिओ शेअर करत मोहोळ यांनी कॅप्शनमध्ये,''संघटनात्मक दौऱ्यानिमित्त आज कोल्हापूर जिल्ह्यात गेलो असता माझ्या सुरक्षेसाठी लावलेल्या पोलिसांच्या सुरक्षा बंदोबस्तात कोल्हापूर पोलीस दलात काम करणारा माझा कोल्हापूरच्या तालमीतील मित्र श्री. शहाजी पाटील अचानक समोर आला. शहाजी दिसताच ताफा थांबवत त्याची भेट घेतली आणि संवाद साधला. इतक्या वर्षांनी अचानकपणे झालेली ही भेट सुखद धक्का देणारी ठरली. इतकंच नाही तर त्याला पाहाताक्षणी तालमीत असतानाच्या आठवणींचा पट क्षणार्धात डोळ्यासमोर उभा राहीला'' असे लिहिले आहे.