इराण-इस्रायलमध्ये युद्ध पेटलं; इकडं ताजमहलवर ड्रोनच्या घिरट्या, देशात खळबळ

इराण-अमेरिका-इस्रायल युद्धाचा आज तिसरा दिवस आहे. दुबईमध्ये पुन्हा स्फोट झाल्याचे वृत्त आहे. सौदी अरबमध्ये देखील मोठी खळबळ माजली आहे. दुबईच्या बंदर आणि बुर्ज खलिफाजवळ हल्ले झाले होते. इस्रायलने आणि अमेरिकेने इराणवर केलेल्या हल्ल्यात इराणचे सर्वोच्च नेते अयातुल्ला खामेनीई यांच्यासह 48 नेते ठार झाले आहेत. याच पार्श्वभूमीवर पंतप्रधान नरेंद्र मोदी यांची काल दिल्लीमध्ये बैठक ही पार पडली. सौदी अरबमध्ये अनेक भारतीय अडकल्याने भीतीचे वातावरण आहे.

अशातच काल रविवारी सकाळी आग्रा येथील ताजमहालवर एक ड्रोन उडताना दिसला, ज्यामुळे एकच खळबळ उडाली. अचानक ड्रोन दिसल्याने उपस्थितांना धक्का बसला. ड्रोनचा व्हिडिओ देखील आता सोशल मीडियावर व्हायरल होत आहे. मात्र नंतर असे सांगण्यात आले की शूटिंगसाठी परवानगी घेण्यात आली होती.

मिळालेल्या माहितीनुसार, ड्रोन चित्रीकरणासाठी उडवण्यात आला होता. अक्षरधाम येथे दाखवल्या जाणाऱ्या माहितीसाठी ताजमहालचे दृश्ये चित्रित करण्यासाठी एक टीम आली होती. या प्रकल्पाद्वारे, ताजमहलचा समावेश करून पर्यटनाला चालना देण्याची योजना आहे, ज्यासाठी भारतीय पुरातत्व सर्वेक्षण (ASI) मुख्यालयाकडून योग्य परवानगी घेण्यात आली होती.

दरम्यान, वरिष्ठ संवर्धन सहाय्यक प्रिन्स वाजपेयी यांनी सांगितले की ही टीम गुजरातहून आली होती आणि सर्व आवश्यक परवानग्या घेतल्यानंतरच ड्रोन उडवण्यात आला. यानंतर उपस्थितांनी सुटकेचा निश्वास सोडला.