Viral Video: धक्कादायक...! घराबाहेर रांगोळी काढणाऱ्या दोन मुलींना भरधाव कारनं चिरडलं, संपूर्ण घटनेचा थरार CCTVत कैद

Indore Viral Video: गेल्या काही महिन्यापासून राज्यभरात दिवाळीचा उत्साह दिसून येत आहे. प्रत्येक घर आनंद-उल्हासाने दिवाळी साजरी करत आहे. मात्र मध्य प्रदेशमधून एक हृदयद्रावर घटना समोर आलेली आहे. ज्या घटनेत घराबाहेर रांगोळी काढत असलेल्या दोन दोन मुलींना भरधाव कारनं चिरडलं आहे. संपूर्ण घटना सीसीटीव्ही कॅमेऱ्यात कैद झाली असून या घटनेचा सीसीटीव्ही व्हिडिओ सोशल मीडियावर सध्या मोठ्या प्रमाणात व्हायरल होत आहे.

व्हायरल(Viral) होत असलेल्या व्हिडिओत तुम्हाला घराबाहेर दोन मुली रांगोळी काढत बसलेल्या दिसत आहे. रस्त्यावरुन काही व्यक्तींची ये-जा सुरु आहे. मात्र काही क्षणात रस्त्याच्या एका दिशेने भरधाव वेगात कार येताना दिसत आहे. काही वेळात ही कार भरधाव वेगात येते आणि मुलींना कारनं चिरडून तिथेच अडकली जाते. त्यानंतर रस्त्यावर एकच गोंधळ उडतो मात्र तो कारमधील व्यक्ती बाहेर येऊन तेथून पळ काढतोय. रस्त्याकडेला असलेल्या सीसीटीव्हीमध्ये(cctv) संपूर्ण घटना कैद झालेली आहे.

सदर व्हिडिओ एक्स या सोशल मीडिया प्लॅटफॉर्मवरील ''@gharkekalesh'' या अकाउंटवर पोस्ट करण्यात आलेला आहे. व्हिडिओ पोस्ट करत कॅप्शनमध्ये,''मध्य प्रदेशातील इंदूरमध्ये एका फुल स्पीड कारने दोन मुलींना चिरडले. मुली घराबाहेर रांगोळ्या काढत होत्या. पोलिसांनी आरोपीला अटक केली आहे. दोन्ही मुलींची प्रकृती गंभीर आहे'' असे लिहिण्यात आलेले आहे.

टीप : हा व्हिडीओ सोशल मीडियावर व्हायरल होत आहे. याची पडताळणी झालेली नाही. फक्त माहिती म्हणून आम्ही वाचक-प्रेक्षकांपर्यंत ही बाब पोहचवत आहोत. याचं आम्ही कोणत्याही प्रकारे समर्थन करत नाही.