Pune Metro Viral Video: पुणेकरांचा नाद नाही करायचा! काकाने चक्क हात दाखवून मेट्रो थांबवली, व्हिडिओ व्हायरल

Pune Viral News: पुणेकर नेहमीच त्यांच्या हटके कृत्यासाठी चर्चेत असतात. पुणेकरांच्या पुणेरी पाट्यांची चर्चा देशभर होत असते. याच पुण्यातून भन्नाट व्हिडिओ समोर आला आहे. एका पुणेकर काकांनी चक्क हात दाखवून मेट्रो थांबवली आहे. या व्हिडिओची सोशल मीडियावर प्रचंड चर्चा सुरू आहे. (Latest Marathi News)

पंतप्रधान नरेंद्र मोदी यांनी काही दिवसांपूर्वीच पुण्यातील मेट्रोच्या विस्तारीत स्थानकांचे उद्घाटन केले. या नव्याने सुरु झालेल्या मेट्रो स्टेशनवरून अनेक नागरिक प्रवास करताना दिसत आहेत. याचदरम्यान, एका व्यक्तीने हात थांबवून मेट्रो थांबवली आणि बसून गेले आहेत. या व्यक्तीचा व्हिडिओ व्हायरल होत आहे.

नेमकं काय घडलं?

पुण्यातील मेट्रोच्या विस्तारीत स्थानकांचे उद्घाटन केले आहे. या स्थानकावर एक व्यक्ती घाईघाईत आला. त्यामुळे प्रवास करण्यासाठी काकाने थेट ड्रायव्हरच्या केबीनचा दरवाजा वाजवला. त्यानंतर दरवाजा उघडण्याची विनंती केली. त्यानंतर मेट्रोचे दरवाजे उघडण्यात येतात. त्यानंतर हा व्यक्ती मेट्रोत बसून प्रवास करतो.

दरम्यान, पुण्यातील हा व्हिडिओ सोशल मीडियावर प्रचंड व्हायरल झाला आहे. एकाने म्हटले आहे की,'हात दाखवा, मेट्रो थांबवा'. दुसऱ्या नेटकऱ्याने म्हटले आहे की, 'विनंती थांबा, हात दाखवा मेट्रो थांबवा उपक्रम, इनस्पायर फ्रॉम महाराष्ट्र राज्य परिवहन महामंडळ'. अनेकांनी या व्हिडिओवर भन्नाट प्रतिक्रिया दिल्या आहेत.

दरम्यान, या व्हिडिओनंतर काही नेटकऱ्यांनी संतप्त प्रतिक्रिया दिल्या आहेत. एका युजरने म्हटले आहे की, 'ही गोष्ट हसण्यासारखी नाही. अशा मेट्रो थांबा अभियान नाही, यामुळे पुढील लोक खोळंबतील'. दुसऱ्या युजरने म्हटले आहे की, 'ज्या गोष्टीत अजिबात लॉजिक नाहीये, त्या गोष्टीतही अभिमान वाटावा असं आहे हे'.