Viral Accident Video: भरधाव डंपरची बसला धडक, २ ठार, थरकाप उडवणारे ६ सेकंद... VIDEO

रुपेश पाटील, पालघर|ता. ३१ डिसेंबर २०२३

Palghar Bus Accident Video:

पालघरच्या मनोर- विक्रमगड रोडवर बस आणि डंपरमध्ये भीषण अपघात झाला. शनिवारी (३० डिसेंबर) ही भीष अपघाताची घटना घडली. या अपघातात दोन चिमुकल्यांचा जागीच मृत्यू झाला असून १० ते १५ प्रवासी जखमी झाले आहेत. या भयंकर अपघाताचे थरकाप उडवणारे सीसीटिव्ही फुटेज सध्या सोशल मीडियावर व्हायरल होत आहे.

 पालघरच्या (Palghar) मनोर विक्रमगड रोडवर शनिवारी (३० डिसेंबर) बस आणि डंपरमध्ये भीषण अपघात झाला. मनोर विक्रमगड रोडवर बोरांडा येथे भरधाव डंपरने बसला समोरुन जोरदार धडक दिली. ही धडक इतकी भीषण होती की यामध्ये बसमधील दोन चिमुकल्यांचा जागीच मृत्यू झाला तर १५- २० प्रवासी गंभीर जखमी झाले.

भरधाव डंपर आणि बसची समोरासमोर झालेली ही धडक इतकी भीषण होती की बसचा अक्षरशः चक्काचूर झाला. या अपघाताचे सीसीटिव्ही फुटेज (CCTV Footage) समोर आले आहे. अवघ्या सहा सेकंदाचा हा व्हिडिओ काळजाचा थरकाप उडवणारा आहे.

 ('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

व्हिडिओमध्ये (Viral Video) तुम्ही पाहू शकता की, भरधाव डंपर आणि बस छोट्याशा रस्त्यावरुन सुसाट वेगात एकमेकांसमोर येतात. काही समजायच्या आत दोन्ही वाहनांची जोरदार धडक होते. ही धडक इतकी भीषण असते की बसची एक बाजू पुर्णपणे उध्वस्त होते. या अपघातात २ जण ठार झाले असून २० पेक्षा अधिक प्रवासी जखमी झालेत. (Latest Marathi News)