Pakistan Mall: यापेक्षा भिकारी बरे... पाकिस्तानमध्ये 'ओपनिंग डे'ला लुटला मॉल; व्हायरल व्हिडिओ

Pakistan Mall Loot Viral Video: पाकिस्तानमधील कराची येथील ड्रीम बाजार नावाचा एका शॉपिंग मॉलचं उद्घाटन झालं. पण या ड्रीम बाजार मॉलला कराचीमधील लोकांनी अर्ध्या तासातच लुटले. याचा व्हिडीओ सोशल मीडियावर व्हायरल होत आहे. ओपनिंग डे असल्यामुळे ड्रीम बाजारमध्ये मोठा डिस्काउंट ठेवण्यात आला होता. फ्री-फ्री-फ्री... पाहिलं अन् नागरिकांनी मॉलच लुटला. काट्यांनी तोडफोड केली गेली... मॉल सुरु झाल्यानंतर फक्त अर्ध्या तासातच लुटला गेलाय.

काराची येथील ड्रीम बाजार लूटीचा व्हिडीओ व्हायरल झालाय. त्या व्हिडीओत लोक मॉल लुटताना दिसत आहेत. मॉलच्या मालमत्तेचे मोठ्या प्रमाणात नुकसान झाल्याचे प्रत्यक्षदर्शींनी सांगितलेय. त्याशिवाय घटनास्थळावर पोलीस उपस्थित नसल्याचेही सांगण्यात आलेय.

नव्या मॉलचे ओपनिंग असल्यामुळे सोशल मिडियावर जोरदार प्रचार केला. उद्घाटनाच्या दिवशी कपडे, ॲक्सेसरीज आणि घरगुती वस्तूंवर मॉलमध्ये भरघोस सूट ठेवण्यात आली होती. मॉलबाहेर हजारो लोक जमले होते, वाढत्या गर्दीवर नियंत्रण ठेवण्यासाठी खूप संघर्ष करावा लागला. याचा व्हिडीओ व्हायरल होत आहे.

मॉलमध्ये तोडफोड -

पाकिस्तानमधील स्थानिक माध्यमांच्या वृत्तानुसार, मॉलमधील गर्दी नियंत्रणात आणण्यासाठी दरवाजे बद करण्याचा प्रयत्न करण्यात आला. पण लोक लाठ्या-काठ्या घेऊ आले होते. त्यांनी जबरदस्तीने प्रवश केला. काचा फोडल्या अन् मालाची लूट केली.

परिस्थिती इतकी भयंकर झाली की मॉलमधील गर्दीमुळे शहरातील वाहतूक ठप्प झाली. कारण, मॉलच्या बाहेरही हजारो लोक होते. लोकांच्या झटापटीमध्ये बाजार मॉलचे मोठ्या प्रमाणात नुकसान झालेय. घटनास्थळावर पोलिसही नसल्याचा आरोप कऱण्यात आला.

दुपारी ३ वाजता मॉलचे ओपनिंग करण्यात आले. नवीन मॉल सुरु केल्यामुळे अनेक ऑफर देण्यात आल्या होत्या. पण दुपारी साडेतीन वाजेपर्यंत पाकिस्तानमधील लोकांनी अख्का मॉल लुटला. याचा व्हिडीओ सोशल मीडियावर व्हायरल होत आहे.