Investment Plan Fact Check: 22 हजार गुंतवा, रोज 90 हजार कमवा? अर्थमंत्र्यांच्या घोषणेचा व्हिडिओ व्हायरल?

आम्ही व्हायरल होत असलेल्या व्हिडिओची पडताळणी करतो आणि त्याची सत्यता समोर आणतो.आता 22 हजार गुंतवल्यावर दररोज 90 हजार रुपये कमवू शकतो अशी सरकारची योजना असल्याचा दावा करण्यात आलाय.या व्हिडिओ स्वत: केंद्रीय अर्थमंत्री घोषणा करताना दिसतायत.त्यामुळे खरंच अशी योजना आहे का? या दाव्यात तथ्य आहे का? याची आम्ही पडताळणी केली.त्यावेळी काय सत्य समोर आलं चला पाहुयात.

22 हजार रुपये गुंतवून रोज 90 हजार रुपये कमवू शकता.असा दावा करणारा व्हिडिओ व्हायरल होतोय.या व्हिडीओमध्ये केंद्रीय अर्थमंत्री निर्मला सीतारमण स्वतः योजनेबाबत माहिती देत असल्याचं दिसतंय.पण, खऱंच अशी केंद्र सरकारची कोणती योजना आहे का?मंत्रीच स्वत; याबाबत माहिती देत असल्याने अनेकांना यावर विश्वास बसलाय.पण, खरंच या दाव्यात तथ्य आहे का?

22 हजार रुपये गुंतवून दररोज 90 हजार नफा मिळणार हा दावाच आश्चर्य चकित करणारा आहे.22 हजार रुपये गुंतवून जर 90 हजार मिळणार असतील तर सगळेच या योजनेत गुंतवणूक करतील.पण, खरंच अशी कोणती सरकारची योजना आहे का? केंद्रीय मंत्र्यांचा व्हायरल व्हिडिओ हा खरा आहे का? ही योजना खरी असेल तर तीचा कसा लाभ घ्यायचा? हा विषय पैशांचा असल्याने अनेकांना याबाबत उत्सुकता आहे.त्यामुळे आमच्या व्हायरल सत्य टीमने पडताळणी सुरू केली.याबाबत तथ्य जाणून घेण्यासाठी सरकारकडूनच या व्हिडिओबाबत माहिती मिळवली.त्यावेळी आमच्या पडताळणीत काय सत्य समोर आलं पाहुयात.

व्हायरल सत्य/साम इन्व्हिस्टिगेशन

व्हायरल व्हिडिओ AI मार्फत बनवण्यात आलाय

अर्थमंत्र्यांच्या व्हिडिओशी छेडछाड करण्यात आली

22 हजार गुंतवून 90 हजार देण्याचं खोटं आमिष

अज्ञात ॲप्सवर पैसे ट्रान्सफर करू नका

पैशांचं आमिष दाखवून फसवणुकीचा धंदा

सायबर गुन्हेगारांनी अर्थमंत्र्यांचा जुना व्हिडिओ वापरून एआयच्या माध्यमातून आवाज लावलाय.स्वत:मंत्रीच या व्हिडिओत दिसत असल्याने अनेकांनी यावर विश्वासही ठेवलाय.पण, 22 हजार गुंतवून 90 हजार दररोज देणं हे शक्यच नाही.कमी पैसे गुंतवून मोठा नफा देण्याचं आमिष दाखवलं जातं.यामुळे काहीजण पैशांच्या लालचेपायी अशा गुन्हेगारांच्या जाळ्यात अडकतात आणि ते फसवणूक करतात. त्यामुळे तुम्ही अशा पैशांच्या आमिषाला बळी पडू नका.कोणत्याही योजनेत पैसे गुंतवण्यापूर्वी त्याची अधिकृतता आणि सेबी मान्यतेची खात्री करा.आमच्या पडताळणीत 22 हजार गुंतवा, रोज 90 हजार कमवा अशी योजना असल्याचा दावा असत्य ठरलाय.