नाशिक|ता. २९ एप्रिल २०२४
देव तारी त्याला कोण मारी असं म्हणतात जे काही खोटं नाही. मृत्यू कधी कोणत्या रुपाने येईल सांगता येत नाही. पण नशीबं चांगले असेल तर अनेकदा चमत्कार घडतो अन् अवघ्या काही क्षणात मृत्यूलाही चकवा दिला जातो. सध्या नाशिकमध्ये असाच एक भयंकर अपघाताचा व्हिडिओ समोर आला आहे. ज्यामधील थरारक घटना पाहून तुमच्याही काळजाचा ठोका चुकेल.
याबाबत सविस्तर माहिती अशी की, नाशिकमधील मिरची हॉटेलजवळ अपघात काल रात्री भीषण अपघात झाला. भरधाव ट्रक विजेच्या खांबाला धडकल्याने ही घटना घडली. या अपघातात ट्रकचालक गंभीर जखमी झाला असून त्याच्यावर उपचार सुरू आहेत. याचवेळी ट्रक शेजारुन चाललेला दुचाकीस्वार मात्र सुदैवाने बचावला.
ट्रकने धडक दिल्यानंतर रस्त्यावरील विजेचा खांब कोसळला. खांब कोसळत असतानाच त्याठिकाणाहून दुचाकीस्वार जात होता. यावेळी अगदी काही सेकंदाने त्याच्या दुचाकीवर कोसळता कोसळता वाचला. या संपूर्ण घटनेचा थरारक क्षण सीसीटीव्ही कॅमेऱ्यात कैद झाला आहे.
व्हायरल सीसीटीव्ही फुटेजमध्ये तुम्ही पाहू शकता की, ट्रकने रस्त्याच्या मधे असलेल्या विजेच्या खांबाला जोरदार धडक दिल्याचे दिसत आहे. ट्रकची धडक इतकी भीषण होती की विजेचा थांब रस्त्यावर कोसळतो. याचवेळी एक दुचाकीस्वार त्याठिकाणाहून जात असल्याचे दिसत आहे. कोसळणारा विजेचा खांब आणि तरुणाची दुचाकीमध्ये अवघ्या काही सेकंदाचे अंतर होते. अवघ्या एका सेकंदाने त्या तरुणाचा जीव वाचला अन्यथा मोठा अनर्थ घडला असता.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.