पॉप्युलर होण्यासाठी मर्यादा ओलांडल्या! डान्स करताना ओढणी पेटवली; महिलेचा व्हिडिओ आला समोर

Dangerous dance performance: आजकाल सोशल मीडियावर प्रसिद्ध होण्यासाठी काहीजण अजब-गजब स्टंट करताना दिसतात. बरेचजण तर अनोख्या फॅशनमध्ये फोटोशूट करतो, तर काही धोका पत्करूनही व्हिडिओ तयार करतो. मात्र, काहीजण अशा टोकाच्या गोष्टी करतात ज्या त्यांच्या आणि इतरांच्या जीवाला धोका निर्माण करतात. सध्या असाच एक भयंकर प्रकार सध्या सोशल मीडियावर जोरदार व्हायरल होत आहे.

प्रसिद्धीच्या नशेत धक्कादायक कृत्य

एका महिलेने रील्सवर(Reels) प्रसिद्ध होण्यासाठी चक्क तिच्या ओढणीला आग लावली आणि नंतर त्या पेटलेल्या ओढणीसह डान्स करायला सुरुवात केली. हे सर्व तिने चित्रीत करून इन्स्टाग्रामवर टाकलं आणि काही क्षणांतच तो व्हिडिओ सोशल मीडियावर तुफान व्हायरल झाला.

व्हिडिओमध्ये काय?

या व्हायरल व्हिडिओत संबंधित तरुणी पारंपरिक वेशात दिसत आहे. तिने रंगीबेरंगी ओढणी घेतली असून ती डान्स करताना दिसते. सुरुवातीला सर्व काही सामान्य डान्स करते असं वाटतं, पण काही क्षणांनी तिच्या ओढणीला चक्क आग लागते. विशेष म्हणजे ही आग तिने स्वतःच लावल्याचं स्पष्ट होतं. आगीची जाणीव असूनही ती थांबत नाही, उलट त्या पेटलेल्या ओढणीसह ती जोरदार डान्स करत राहते. हा सर्व प्रकार काही क्षणांसाठीच असतो, पण तो प्रेक्षकांना धक्का देणारा आणि धोकादायक वाटतो.

सोशल मीडियावर संतापाची लाट

हा व्हिडिओ व्हायरल (Viral) होताच लोकांनी संताप व्यक्त करायला सुरुवात केली. ''हे फक्त प्रसिद्ध होण्यासाठी केलेलं वेडं कृत्य आहे'' असं म्हणत अनेकांनी या महिलेच्या मानसिकतेवर प्रश्नचिन्ह उपस्थित केला आहे. काहीजणांनी म्हटलं,''लोक इतकेही मूर्ख कसे असू शकतात की त्यांना स्वतःचा जीव धोक्यात घालून फॉलोअर्स मिळवायचे आहेत'' अशा अनेक प्रतिक्रिया आलेल्या आहेत.

टीप : हा व्हिडीओ सोशल मीडियावर व्हायरल होत आहे. याची पडताळणी झालेली नाही. फक्त माहिती म्हणून आम्ही वाचक-प्रेक्षकांपर्यंत ही बाब पोहचवत आहोत. याचं आम्ही कोणत्याही प्रकारे समर्थन करत नाही.