Car Crash : महिला वकिलाचे कारवरील नियंत्रण सुटले, रिव्हर्स घेताना अपघात; घटनेचा Video Viral

Viral Video : सोशल मीडियावर अपघाताचे अनेक व्हिडीओ व्हायरल होत असतात. अशाच एका व्हिडीओची सध्या चर्चा पाहायला मिळत आहेत. एका पंचतारांरित हॉटेलमध्ये एका महिला वकिलाची कार अनियंत्रित झाली आणि कार थेट हॉटेलच्या मुख्य काचेच्या दरवाज्यावर जाऊन आदळली. या धडकेने दरवाजा फुटला आणि काचेचे तुकडे सर्वत्र विखुरले गेले.

प्राथमिक माहितीनुसार, सदर घटना हॉटेलच्या पिकअप पाॅइंटवर घडली. संबंधित महिला वकील तिच्या कारमध्ये थांबलेली होती. तेव्हा परिसरात इतर पाहुण्यांची वाहने देखील होती. तेवढ्यात अचानक कारने मागे जात वेगात उलटी धाव घेतली. ती कार थेट हॉटेलच्या काचेच्या दरवाज्यावर जाऊन धडकली. सुदैवाने यात कोणालाही गंभीर दुखापत झाली नाही. फक्त काही गाड्यांचे नुकसान झाल्याची माहिती समोर आली आहे.

ही संपूर्ण घटना सीसीटीव्ही कॅमेऱ्यात कैद झाली असून, त्याचा व्हिडिओ आता सोशल मीडियावर चर्चेचा विषय बनला आहे. अनेक युजर्सनी हा प्रकार चित्रपटातील स्टंटसारखा वाटल्याचे म्हटले आहे. प्राथमिक तपासात असे समोर आले आहे की, अपघाताच्या महिला वकिलाने तिच्या कारवरील नियंत्रण गमावले होते.

अपघाताचा व्हिडीओ @Deadlykalesh या एक्स अकाउंटवरुन शेअर करण्यात आला आहे. हा व्हिडीओ लाखो यूजर्संनी पाहिला आहे. काही युजर्संनी यावर विनोदी प्रतिक्रिया दिल्या आहेत. तर काहींनी या घटनेवर गंभीर प्रश्न उपस्थित केले आहेत. संंबंधित अधिकाऱ्यांकडून पुढील तपास सुरु असल्याचे म्हटले जात आहे.