Fact Check: UPI सेवा बंद होणार? डिजिटल पेमेंट करणाऱ्यांचे आता वांदे? काय आहे व्हायरल मेसेजमागचं सत्य?

...डिजिटल पेमेंट हा व्यवहाराचा मोठा पर्याय आहे...

हल्ली लोक चॉकलेट घेण्यापासून ते किराणा माल भरण्यापर्यंत...प्रवासाचं तिकीट ते पैसे ट्रान्सफर अशा छोट्या मोठ्या व्यवहारात यूपीआय पेमेंटचा वापर केला जातोय...त्यामुळे आता सोशल मीडियावर यूपीआय बंद होणार असा दावा केल्याने अनेकांना टेन्शन आलंय...कारण, यूपीआय पेमेंटमुळे खिशात पैसे नसले तरी मोबाईलने काम होतं...आणि आता हे यूपीआय पेमेंट बंद का होणार आहे...? असे अनेक सवाल उपस्थित होतायत...त्यामुळे आम्ही याची सत्यता जाणून घेण्याचा प्रयत्न केला...त्याआधी मेसेजमध्ये काय दावा केलाय पाहुयात...

1 एप्रिल 2025 पासून सर्व बँका UPI बंद करणार आहेत.

हा मेसेज व्हायरल होत असल्याने याची सत्यता जाणून घेणं गरजेचं आहे...त्यामुळे आमच्या टीमने नॅशनल पेमेंट्स कॉर्पोरेशन ऑफ इंडियाच्या अधिकृत वेबसाईटवरून माहिती मिळवली...त्यावेळी अशी कोणतीही सूचना आढळली नाही...मात्र, एप्रिलपासून सर्व बँकांना एनपीसीआयला महिन्याला रिपोर्ट द्यावा लागेल...यामध्ये यूपीआय आयडी, एक्टिव्ह यूजर्स, महिन्याला केलेलं ट्रांजेक्शनची माहिती द्यावी लागणार आहे...त्यामुळे आमच्या पडताळणीत काय सत्य समोर आलं पाहुयात...

UPI सेवा बंद होणार नाही

एनपीसीआयकडून UPI व्यवहारांबाबत नवीन नियम जारी

बँकांना नियमितपणे बंद केलेले मोबाईल नंबर हटवावे लागतील

UPI संदर्भात 1 एप्रिलपासून नवीन नियम लागू होतील

त्यामुळे आमच्या पडताळणीत 1 एप्रिलपासून UPI सेवा बंद केली जाईल हा दावा असत्य ठरलाय...

यूपीआय बंद करण्याबाबत एनपीसीआयकडून अशी कोणतीही माहिती आलेली नाही...कोणाचीही फसवणूक होऊ नये, व्यवहार सुरळीत व्हावेत म्हणून खबरदारी घेण्यात आलीय...त्यामुळे व्हायरल मेसेजवर विश्वास ठेवू नका...