Viral Video: भरधाव ट्रकचा कहर! चालकाचे नियंत्रण सुटल्याने दुचाकीला जबर धडक; सीसीटीव्हीत थरार कैद

Dhule Shocking News: भरधाव चालवणाऱ्या ट्रक चालकाचे वाहनावरील नियंत्रण सुटल्याने ट्रॅकने दुचाकीला जबर धडक दिली.या अपघातात एक व्यक्ती गंभीर जखमी झाला आहे तर महिला आणि युवक बचावले आहेत.संजय पवार असे गंभीर जखमी झालेल्या व्यक्तीचे नाव आहे, या अपघाताचा सीसीटीव्ही व्हिडीओ व्हायरल झाला आहे.

शिरपूर तालुक्यातील मुंबई(Mumbai) आग्रा राष्ट्रीय महामार्गावरील आमोदे येथील शिरपूरकडून भरधाव वेगात जाणाऱ्या ट्रकच्या चालकाचे ट्रक वरील नियंत्रण सुटल्याने हा ट्रक शिरपूर फाट्यावर उड्डाण पुलाखालून सरळ दुकानात शिरला होता.

याच वेळी जे रस्त्यात येईल त्याला अनियंत्रित ट्रकने चिरडले, त्यात संजय पवार हा दुचाकी वरून जात असतांना त्याला या अनियंत्रित झालेल्या ट्रकने धडक देत पुढे असणाऱ्या महिलेला देखील धडक दिली आणि पुढे हा ट्रक थेट दुकानात शिरला.

या धडकेत दुचाकीचा चुराडा झाला असुन दुचाकी(Bike) धारक संजय पवार यांचे दोन्ही पाय या अपघातात निकामी झाले आहेत, सुदैवाने महिला फेकली गेल्याने व रस्त्यावर समान विक्री कारणारा युवक देखिल यात बालंबाल बचावले असुन या अपघाता बबत पुढील कारवाई थाळनेर पोलीस करीत आहेत.

टीप: हा अपघाताचा व्हिडीओ सोशल मीडियावर व्हायरल होत आहे. याची पडताळणी झालेली नाही. फक्त माहिती म्हणून आम्ही वाचक-प्रेक्षकांपर्यंत ही बाब पोहचवत आहोत. याचं आम्ही कोणत्याही प्रकारे समर्थन करत नाही.