Viral Video: दरवाजात लटकून स्टंटबाजी पडली महागात, रेल्वतून तरुण खाली पडला अन्...; पाहा घटनेचा व्हिडिओ

मुंबई : धावत्या रेल्वेच्या दरवाजात लटकून स्टंट करणं एका तरुणाच्या जीवावर बेतल्याची धक्कादायक घटना समोर आली आहे. सोशल मीडियावर सध्या एक व्हिडीओ मोठ्या प्रमाणावर व्हायरल होत असून, त्यामध्ये एक तरुण रेल्वेच्या दरवाजात लटकून स्टंट करताना खाली पडतानाचे दृश्य कैद झाले आहे. हा व्हिडीओ नेमका कुठल्या स्थानकाजवळील आहे, याची माहिती अद्याप समजू शकलेली नाही. मात्र, या प्रकारामुळे रेल्वे प्रवासादरम्यान होणाऱ्या धोकादायक स्टंट्सविषयी पुन्हा एकदा गंभीर प्रश्न उपस्थित झाले आहेत.

या धक्कादायक व्हिडीओमध्ये तरुण दरवाजात झुलताना दिसतो आणि काही क्षणांतच तो तोल जाऊन थेट रेल्वेखाली पडतो. ही दृश्ये पाहून कोणीही हादरून जाईल, रेल्वे प्रशासनाकडून वारंवार असा इशारा दिला जातो की, प्रवासादरम्यान दरवाजात उभं राहणं, स्टंट करणं धोकादायक असतं. मात्र, अजूनही काही तरुण सोशल मीडियावरील प्रसिद्धीसाठी अशा प्रकारची धाडसी आणि जीवघेणी कृत्यं करताना दिसत आहेत.