Pandharpur Darshan : पंढरपुरात विठ्ठल-रुक्मिणी मंदिरात VIP दर्शन बंद, माजी व्यवस्थापकाला रोखलं|VIDEO

आषाढी वारीच्या पार्श्वभूमीवर पंढरपूरच्या विठ्ठल-रुक्मिणी मंदिर समितीने मोठा निर्णय घेतला असून, आता व्हिआयपी दर्शन पूर्णतः बंद करण्यात आलं आहे. या निर्णयाचा अंमल कालपासून सुरू झाला असून, रात्री माजी व्यवस्थापक बालाजी पुदलवाड यांनाही पोलिसांनी व्हिआयपी गेटवरच अडवलं. कोणत्याही व्यक्तीस विशेष वागणूक न देता सर्व भाविकांना समान संधी देण्याचा निर्णय मंदिर प्रशासनाने घेतला आहे.

स्थानिक भाविकांनी या निर्णयाचं जोरदार स्वागत केलं असून, ‘वारी ही सामान्यांची’ हे विधान आता प्रत्यक्षात उतरत असल्याची भावना व्यक्त केली जात आहे. व्हिआयपी दर्शनामुळे सामान्य भाविकांना अनेक तास प्रतीक्षा करावी लागत होती. आता मात्र टोकन प्रणालीद्वारे सर्वांना वेळेवर दर्शन मिळत असल्यामुळे मंदिर शासनाने उचललेलं हे पाऊल कौतुकास्पद आहे.