Vijay Wadettiwar: प्रभूश्री रामाने पुन्हा जन्म घ्यावा आणि या रावणासारख्या नालायक,नतभ्रष्ट सरकारला नष्ट करावे - विजय वडेट्टीवार, VIDEO

काँग्रेसचे नेते विजय वडेट्टीवार यांनी आज सरकारवर जोरदार तोफ डागली आहे. प्रभूश्रीरामचंद्र हे मर्यादा पुरुषोत्तम होते. या अमर्याद सरकारला वेसण घालण्यासाठी प्रभू रामाने पुन्हा जन्म घ्यावा आणि अशा नालायक नतभ्रष्ट देश डुबवणाऱ्या सरकारला धडा शिकवण्यासाठी जे गर्वाने फुललेले सरकार आहे, रावणासारखे गर्व असणारे हे सरकार नष्ट करण्यासाठी रामाने जन्म घ्यावा अशी घणाघाती टीका विजय वडेट्टीवार यांनी महायुती सरकारवर केली. तसेच अवकाळी पावसामुळे झालेल्या शेतीच्या नुकसानावर त्यांनी हे सरकार भावना शून्य असल्याचे सांगत जोरदार निशाणा साधला आहे.

ते म्हणाले, कृषिमंत्र्यांची जबाबदारी फार मोठी असते नाशिकमध्ये द्राक्ष, डाळिंब आणि फळबागांचे मोठे नुकसान झाले आहे. अशा वेळेस कृषिमंत्र्यांनी बांदावर जाऊन त्यांना आश्वस्त करण्याची गरज आहे. पण या सरकारला संवेदना राहिल्या नाहीये. यांना सत्तेची मस्ती आली आहे म्हणून यांची भाषा ही बदलली आहे. शेतकऱ्यांचे नुकसान झाले काय आणि शेतकरी मेला काय या सरकारला काही देणे घेणे नाहीये अशी टीका वडेट्टीवार यांनी सरकारवर केली.