Vasant More : तब्बल १०० गाड्यांचा ताफा, हातात भगवे झेंडे; वसंत मोरेंची कार्यकर्त्यांसह मुंबईकडे कूच, पाहा VIDEO

अक्षय बडवे, साम टीव्ही पुणे

पुणे महानगरपालिकेचे माजी नगरसेवक वसंत मोरे हे आज शिवसेना उद्धव बाळासाहेब ठाकरे यांच्या पक्षात प्रवेश करणार आहेत. यासाठी शेकडो कार्यकर्त्यांसह मोरे हे पुण्याहून मुंबईच्या दिशेने रवाना झाले आहेत. तब्बल १०० गाड्यांचा ताफा, हातात भगवे झेंडे घेऊन घोषणाबाजी करत वसंत मोरे मुंबईकडे निघाले असल्याचा व्हिडीओ समोर आला आहे.

आधी महाराष्ट्र नवनिर्माण सेनेमध्ये असलेल्या वसंत मोरे यांनी लोकसभेची निवडणूक वंचितकडून लढवली होती. त्यानंतर मागील आठवड्यात त्यांनी मुंबईतील मातोश्री निवासस्थानी जाऊन उद्धव ठाकरे यांची भेट घेतली होती.

लवकरच मी शिवसेनेत जाहीर प्रवेश करणार असं वसंत मोरे यांनी माध्यमांना सांगितलं होतं. आज वसंत मोरे हे आपल्या शेकडो कार्यकर्त्यांसह हातात भगवे झेंडे घेऊन मुंबईच्या दिशेने रवाना झाले आहे. मुंबई-पुणे एक्स्प्रेस वेवरील वसंत मोरे यांच्या ताफ्याचा व्हिडीओ समोर आला आहे.