गेमिंग झोन सेंटरला भीषण आग; १५ जणांचा होरपळून मृत्यू,जीव वाचवण्यासाठी अनेकांच्या खिडकीतून उड्या|Video Viral

उत्तर प्रदेशची राजधानी असलेल्या लखनौमधील अलीगंज भागात सोमवारी दुपारी ३ च्या सुमारास एका इमारतीमधील कोचिंग सेंटरला भीषण आग लागली. काही वेळेतच आगीने रौद्र रुप धारण करत इमारतीला आपल्या विळख्यात घेतलं यात १४ जणांचा मृत्यू झाला, तर अनेकजण जखमी झाल्याचे वृत्त आहे. आगीची माहिती मिळताच अग्निशमन दलाच्या पथकांनी तातडीने बचावकार्य सुरू केले. घटनास्थळी अग्निशमन दलाच्या १४ गाड्या आणि हायड्रॉलिक शिड्या असलेली वाहने दाखल झाली आहेत. आग लागल्यानंतर अनेक लोक इमारतीतून बाहेर पडण्यात यशस्वी झाले असले, तरी काही जण आत अडकल्याची भीती व्यक्त केली जात आहे. मृत व्यक्तींचे वय २० ते २४ वर्षांच्या दरम्यान असल्याचे सांगण्यात येत आहे. या घटनेमुळे संपूर्ण परिसरात शोककळा पसरली आहे. काही मिनिटांतच संपूर्ण इमारत धूर व आगीच्या विळख्यात सापडली. आग लागताच परिसरात घबराट उडाली. जीव वाचवण्यासाठी लोक सैरावैरा धावताना दिसून आले.