Badlapur Shooting : बदलापूर रेल्वे स्थानकात गोळीबार, VIDEO

बदलापूरमध्ये कायदा आणि सुव्यवस्थेचा प्रश्न ऐरणीवर आला आहे. काही दिवसांपूर्वीच शाळेतील दोन लहान मुलींवर अत्याचाराची घटना घडली होती. त्यानंतर जनक्षोभ उसळला होता. शाळेत आणि रेल्वे स्थानकातच रेल रोको करण्यात आला होता. आता या घटनेला काही दिवस उलटत नाहीत, तोच बदलापूर पुन्हा धक्कादायक घटनेनं हादरलं. बदलापूर रेल्वे स्थानकातच गोळीबार झाला.

बदलापूर रेल्वे स्थानकाच्या होम प्लॅटफॉर्मवरच एका व्यक्तीने दोघा जणांवर गोळीबार केल्याची प्राथमिक माहिती मिळाली आहे. गोळीबार झाला तेव्हा स्थानकात प्रवाशांची प्रचंड गर्दी होती. संध्याकाळचे सहा वाजले होते. त्यावेळीच हा गोळीबार करण्यात आला. या घटनेनंतर प्रवाशांमध्ये प्रचंड घबराट पसरली होती. पोलीस रेल्वे स्थानकावर तात्काळ पोहोचले. त्यांनी तपासाला सुरुवात केली आहे.