Amboli Waterfall: आंबोली धबधब्याच्या सौंदर्याला पर्यटकांचे आकर्षण,पाहा व्हिडिओ

विनायक वंजारे, साम टीव्ही

सिंधदुर्ग: गेल्या काही दिवसांपासून सिंधुदुर्ग जिल्ह्यात पावसाने फारशी हजेरी लावलेली नसली, तरी आंबोली घाटात मात्र निसर्गप्रेमी पर्यटकांची मोठी गर्दी पाहायला मिळत आहे.आज शनिवार असल्याने आज आंबोलीच्या प्रसिद्ध धबधब्याला भेट देणाऱ्यांची संख्या लक्षणीय वाढलेली दिसून आली.धबधब्याच्या सान्निध्यात आल्हाददायक वातावरणात भिजण्याचा, फोटो काढण्याचा आणि थंडगार हवेत वेळ घालवण्याचा आनंद पर्यटक लुटत आहेत. काही दिवसांपूर्वी झालेल्या थोडक्या पावसामुळे धबधबा सळसळून वाहत आहे, त्यामुळे त्याचे सौंदर्य अधिकच खुलले आहे.

स्थानिक प्रशासनाने पर्यटकांनी सुरक्षित अंतर राखावे, धोकादायक ठिकाणी जाणे टाळावे अशा सूचना केल्या असून, काही ठिकाणी सुरक्षारक्षकही तैनात करण्यात आले आहेत.एकूणच, निसर्गाच्या कुशीत एक आठवड्याचा थकवा विसरून आराम करण्यासाठी आंबोली पुन्हा एकदा पर्यटकांचे आवडते ठिकाण ठरत आहे.