ठाणे ते बोरिवली प्रवास १५ मिनिटांत होणार, मुख्यमंत्र्यांकडून गेमचेंजर प्रकल्पाचे शुभारंभ, काय आहेत वैशिष्ट्ये?

ठाणे ते बोरीवली दुहेरी बोगद्याच्या प्रकल्पाचे आज शुभारंभ करण्यात आले आहे. यावेळी मुख्यमंत्री देवेंद्र फडणवीस, उपमुख्यमंत्री एकनाथ शिंदे आणि उपमुख्यमंत्री सुनेत्रा पवार उपस्थित होत्या. या बोगद्यामुळे ठाणेकरांचा प्रवास अधिक आनंददायी आणि सोयीस्कर होणार आहे. या प्रकल्पाचा 'नायक' आणि अर्जुन मशीनद्वारे कामाचा शुभारंभ करण्यात आला.

यावेळी बोलताना देवेंद्र फडणवीस म्हणाले, देशातला एक महत्वाचा प्रकल्प म्हणून पाहता येणार आहे असा ठाणे बोरीवली दुहेरी मार्ग आपण सुरू करणार आहोत. याची लांबी 11.84 किमी आहे. यामधील जो बोगदा आहे त्याची लांबी 10.25 किमी आहे, आणि या ज्या मशीन आहेत या बोरीवलीकडून 5.75 किमी आणि ठाण्याहून 6.9 किमी अशा पद्धतीने या टनेलचे बोरिंग होणार आहे. 6 पदरी मार्ग आपल्याला मिळणार आहे आणि प्रत्येक बोगद्यात 2 वाहतुकीच्या आणि 1 आपत्कालीन अशा 3 मार्गिका असणार आहेत. सुरुवातीच्या काळात हा प्रकल्प एमएसआरडीसीकडे होता आता एमएमआरडील देण्यात आला आहे, या प्रकल्पामुले जो काही 90 मिनिटांचा वेळ लागतो तो वेळ फक्त 15 मिनिटांवर येणार आहे.