नाशिकची घटना ताजी असताना संभाजीनगरात टेम्पो विहिरीत कोसळला|VIDEO

छत्रपती संभाजीनगरात कंकराळा शिवारात एक टेम्पो विहिरीत कोसळल्याची घटना घडली आहे. विहिरीत पाणी जास्त असल्याने वाहन पूर्णपणे बुडाले असून, ग्रामस्थांनी मदतीसाठी घटनास्थळी मोठी गर्दी केली. क्रेनच्या साहाय्याने वाहन बाहेर काढण्याचे काम युद्धपातळीवर सुरू आहे. मात्र, या वाहनात नेमके किती प्रवासी होते, याची अधिकृत माहिती अद्याप समोर आलेली नाही. या अपघातामुळे परिसरात भीतीचं वातावरण निर्माण झालंय.

शनिवारी मध्यरात्रीच्या सुमारास नाशिकच्या दिंडोरीमध्ये विहिरीत कार कोसळून एकाच कुटुंबातील 9 जणांचा मृत्यू झाल्याची घटना ताजी असतानाच आज पुन्हा तशीच घटना घडल्याने विहिरीना कठडा लावून सरकारने या प्रकरणाकडे गांभीर्याने पाहण्याची मागणी स्थानिकांनी केली आहे.