Santosh Deshmukh Case : भीक मागतो, झोळी पसरतो; बीड प्रकरणात सुरेश धस यांची CM फडणवीसांना कळकळीची विनंती

मुख्यमंत्री देवेंद्र फडणवीस हे बीडचे पालकमंत्री झाले पाहिजे अशी मागणी सुरेश धस यांनी केली आहे. आज जिल्हाधिकरी अविनाश पथक यांची सुरेश धस यांनी भेट घेतली. या भेटीनंतर त्यांनी माध्यमांसमोर बोलताना ही प्रतिक्रिया दिली आहे. यावेळी बीड प्रकरणावर आमदार सुरेश धस यांनी भाष्य केलं.

बीड जिल्ह्याच्या पालकमंत्रिपदाबद्दल बोलताना सुरेश धस म्हणाले की, देवेंद्र फडणवीस हेच आमचे बीड जिल्ह्याचे पालकमंत्री झाले पाहिजे. माझी आर्त किंकाळी, आर्जव आहे की देवेंद्र फडणवीस हे पालकमंत्री व्हावे. याबद्दल मी भीक मागतो, झोळी पसरून विनंती करतो, विशेष बाब म्हणून ते पालकमंत्री व्हावे, अशी मागणी धस यांनी केली आहे. पुढे बोलताना ते म्हणाले की, ही मालमत्ता लाखात हजारात नाही. कोट्यवधीची आहे. मुख्यमंत्र्यांना जेवढं कळतं, तेवढं आम्हाला कळत नाही. पण मुख्यमंत्र्यांनी कराडची मालमत्ता जप्त करण्याचा निर्णय घेतला. त्यावरून सर्व गोष्टी स्पष्ट होतात. मालमत्ता जप्ता करण्याची मुख्यमंत्र्यांनी ऑर्डर दिली आहे. ती अजिबात थांबू नये, असंही सुरेश धस यांनी म्हटलं.