Maharashtra Politics: चिखली द्या, बुलढाणा घ्या! शिवसेना आमदाराची थेट भाजपकडे मागणी, नेमकं काय घडलं? VIDEO

पालिका निवडणुकांच्या पृष्ठभूमीवर राजकीय वातावरण तापायला सुरुवात झाली असून यामध्ये पहिला बॉम्ब आमदार संजय गायकवाड यांनी फोडला आहे. आमदार गायकवाड यांच्या म्हणण्यानुसार, युती करायची असेल तर संपूर्ण जिल्ह्यात सर्वच तालुक्यात सन्मानजनक पद्धतीने करा, काही ठिकाणी करायची आणि काही ठिकाणी नाही, असे चालणार नाही असे स्पष्ट करताना चिखलीचे नगराध्यक्ष पद शिंदे सेनेला द्या, त्याबदल्यात बुलढाणा ची जागा मी सोडतो, असे म्हणत मोठा धुरळा उडवून दिलाय.

तर भाजपचे जिल्हाध्यक्ष म्हणतात की सिटिंग जागा ज्याची असेल त्याला ती जागा मिळते असा नियम आहे . चिखलीची जागा मागण्याचा त्यांना अधिकार नाही, कारण तिथे भाजपचा नगराध्यक्ष मागील निवडणुकीत निवडून आलेला आहे . त्यामुळे ती जागा भाजपल राहणार आणि बुलधान्याच्या जागेचा प्रश्न असेल तर मागील 25 वर्षापासून ना भाजपच्या नगराध्यक्ष होता ना शिंदे गटाचा, त्यामुळे ही जागा मागायचा प्रश्न नाही. शिवाय जर बुलढाणा नगराध्यक्षची जागा भाजपला सुटणार असेल तर आम्ही युतीमध्ये लढण्यास तयार आहे. यावरून आगामी निवडणुकीच्या पृष्ठभूमीवर युतीबाबत अनिश्चितता आहे.