Vaibhav Naik Booked | PWD कार्यालय फोडणाऱ्या आमदार वैभव नाईक यांच्यावर गुन्हा, VIDEO

सिंधुदुर्ग :

मालवण येथील राजकोट किल्ल्यावरील छत्रपती शिवाजी महाराजांच्या पुतळा कोसळल्याच्या घटनेनंतर ठाकरे गटाचे आमदार वैभव नाईक यांनी सार्वजनिक बांधकाम विभागाचे मालवण येथील कार्यालयात तोडफोड केली होती. या प्रकरणी आमदार वैभव नाईक यांच्यासह अन्य दोघा जणांवर गुन्हा नोंदवण्यात आला आहे. त्यात ठाकरे गटाचे मालवण तालुका प्रमुख हरी खोबरेकर, जिल्हा प्रवक्ता मंदार केणी यांचाही समावेश आहे.

दुसरीकडे, छत्रपती शिवरायांचा पुतळा पडल्याच्या घटनेनंतर विरोधकांकडून सरकारविरोधात जोरदार टीका होऊ लागली. विरोधी पक्षांच्या नेत्यांनी सत्ताधारी नेत्यांवर भ्रष्टाचाराचे आरोप केले आहेत. तर वैभव नाईक यांनी सार्वजनिक बांधकाम खात्याचे कार्यालय फोडले ही जनभावना होती. त्यांना ही घटना कशी घडली हे भेटून सांगेन, असं सार्वजनिक बांधकाम मंत्री रवींद्र चव्हाण म्हणाले.

वैभव नाईक यांनीही पत्रकार परिषद घेऊन सरकारवर टीका केली. छत्रपती शिवाजी महाराजांच्या स्मारकातही भ्रष्टाचार करतात. महाराष्ट्रातील जनता त्यांची हंडी फोडल्याशिवाय राहणार नाही, असं नाईक म्हणाले.