Santosh Deshmukh Case: देशमुख कुटुंबीयांची एक मागणी मान्य; उज्ज्वल निकम लढवणार संतोष देशमुख हत्येचा खटला

मस्साजोगचे सरपंच संतोष देशमुख हत्या प्रकरणात मोठी घडामोड घडलीय. देशमुख कुटुंबीयांची बाजू मांडण्यासाठी उज्ज्वल निकम यांची सरकार वकील म्हणून नियुक्ती करण्याची मागणी अखेर मान्य झालीय. राज्य सरकारने २५ फेब्रुवारी रोजी यासंदर्भातील आदेश जारी केलाय. मस्साजोग येथे देशमुख कुटुंबीय आणि ग्रामस्थांनी आठ मागण्यासाठी अन्नत्याग आंदोलन सुरू केले आहे. या मागणीत उज्ज्वल निकम यांच्या नियुक्तीच्या मागणीचाही समावेश होता. राज्य सरकारने उज्ज्वल निकम यांच्या नियुक्तीचे आदेश काढलेत.

या आदेशानुसार, उज्ज्वल निकम यांची विशेष सरकारी वकील म्हणून, तर बाळासाहेब कोल्हे यांची विशेष सरकारी वकिलांचे सहाय्यक म्हणून नियुक्ती केलीय. संतोष देशमुख यांच्या हत्येला तीन महिने लोटले असून, तपासात कोणतीही प्रगती नसल्याबद्दल नाराजी व्यक्त केलीय. आता देशमुख कुटुंबीय आणि मस्साजोगच्या ग्रामस्थांनी अन्नत्याग उपोषण सुरू केले आहे.