Manoj Jarange : खंडणी आणि हत्येचे आरोपी एकच; कराडला मकोका लावल्यावर जरांगेंचा मोठा दावा | VIDEO

सरपंच संतोष देशमुख हत्या प्रकरणात खंडणी प्रकरणातील आरोपी असलेल्या वाल्मिक कराड याला आज पोलिसांनी मकोका लावला आहे. तसंच त्याला कोर्टात हजर केलं असता १४ दिवसांची न्यायालयीन कोठडी देखील सुनावण्यात आली आहे. त्यावर आता मराठा आंदोलक मनोज जरांगे पाटील यांनी आपली प्रतिक्रिया दिली आहे. खंडणी आणि सरपंच हत्या प्रकरणातील आरोपी एकच असल्याचा दावा यावेळी जरांगे यांनी केला आहे. एका माणसासाठी राज्याला कलंकित होऊ देऊ नका असंही त्यांनी म्हटलं आहे.

पुढे बोलताना मनोज जरांगे म्हणाले की, जेव्हा खंडणीतले आणि खुणातले आरोपी यांच्यावरती ३०२चा गुन्हा दाखल करता. तेव्हा या आरोपींना सांभाळणारे कोण? त्यांना गाड्या पुरवणारे कोण? पैसे पुरवणारे कोण? या सगळ्यामागे शंभर दीडशेजण असायला हवे. ही सगळी टीम मुख्यमंत्र्यांनी धरली पाहिजे. एका आरोपीसाठी राज्याला कलंकित होऊ देऊ नका, आरोपींना फाशीची शिक्षा झाली पाहिजे असं जरांगे यांनी म्हंटलं आहे.