Bajrang Sonwane : वाल्मिक कराडला मकोका लावा, बजरंग सोनवणे यांची मागणी | VIDEO

२९ नोव्हेंबर पासूनची आरोपींचे सिडिआर काढा. डॉ. संभाजी वायबसेसह पत्नीवर गुन्हा दाखल करा. मी ११ जणांची यादी पोलीस अधिकाऱ्यांना दिली आहे. त्याचा तपास करावा. खंडणीखोर आरोपी मकोकामध्ये आला पाहिजे. खासदार म्हणून मी देशमुख कुटुंबाच्या सोबत आहे, अशी प्रतिक्रिया बीडचे खासदार बजरंग सोनवणे यांनी दिली आहे. मस्साजोगमध्ये आज झालेल्या आक्रमक आंदोलनानंतर त्यांनी पत्रकार परिषद घेतली.

पुढे बोलताना ते म्हणाले की, २९ नोव्हेंबर वाल्मिक कराड हा केज शहरात होता, त्याने एका प्लॉटची रजिस्टरी केली अन् चार दिवसात प्रशासनाने त्याला लगेच एनओसी दिली. उज्वल निकम यांच्या माध्यमातून अन् देखरेखीखाली तपास करणार अस मुख्यमंत्री यांनी सांगितले होते, तो शब्द पूर्ण करणार आहेत की नाही. मुख्यमंत्र्यांना बीड जिल्ह्यात राजकारण चाललंय असंच दिसतंय. सुदर्शनची गाडी कानडीमाळी गावात फोडली. दरोडा टाकण्यासाठी गेला होता तो गावात. मला धोका असला काय नसला काय मला कशाची भीती नाही, मी एकदा खासदार झालो मला सर्व मिळाले, आता मेलो तरी चालेल, मात्र यांचे सर्व काढल्याशिवाय मी स्वस्त बसणार नाही, असंही सोनवणे यांनी म्हंटलं आहे.