Maharashtra Politics: आम्ही सकारात्मक आहोत असे बोलून युत्या होत नाहीत, संदीप देशपांडे यांचा संजय राऊतांना टोला|VIDEO

राज ठाकरेंनी दिलेल्या एका मुलाखतीमध्ये उद्धव ठाकरे आणि मी एकत्र येण्यास काही अडचण नाही आमच्यातले वाद शिल्लक आहे असे विधान केल्यानंतर राजकारणात सर्वांच्याच भुवया उंचावल्या होत्या. यानंतर उद्धव ठाकरे यांनी देखील आपल्या भाषणातून सकारात्मक प्रतिसाद दिला. मात्र, काही दिवसांनी दोघेही बंधू परदेश दौऱ्यावर असल्याने या चर्चेला काहीशी विश्रांती मिळाली होती.

आता या चर्चा पुन्हा रंगू लागल्या आहेत. यावरच आज ठाकरे गटाचे खासदार संजय राऊत यांनी एक महत्त्वपूर्ण विधान केलं आहे. ते म्हणाले होते की मनसे सोबत युती ही आमची भूमिका आहे हे आम्ही जाहीरपणे सांगतो किंबहुना दिल से सांगतो असे महत्त्वपूर्ण विधान केल्यानंतर यावरच आज मनसेचे मुंबई अध्यक्ष संदीप देशपांडे म्हणाले, रोज पत्रकार परिषदा घेऊन आम्ही सकारात्मक आहोत एवढं बोलून यूत्या होत नसता मी तुम्हाला स्पष्ट सांगतो की न पडद्यामागून न पडद्याआडून कुठलाही आम्हाला त्यांच्याकडून अजून प्रस्ताव आलेला नाही किंवा संपर्कही झाला नाही त्यांनी प्रस्ताव पाठवावा त्यावर राज ठाकरे निर्णय घेतील असे संदीप देशपांडे म्हणाले.