माणिकराव कोकाटे धडधडीत खोटं बोलताय; रोहित पवारांनी आणखी एक व्हिडिओ केला ट्विट|VIDEO

राज्याचे कृषिमंत्री माणिकराव कोकाटे यांच्यावर सभागृहात ऑनलाइन रमी खेळत असल्याचा व्हिडिओ आमदार रोहित पवार यांनी ट्विट करून आरोप केला होता. यावर कोकाटेवर विरोधक आणि सत्ताधारी या दोघांकडून जोरदार टीका होत आहे. त्या पार्श्वभूमीवर आज माणिकराव कोकाटे यांनी पत्रकार परिषद घेऊन त्या आरोपांवर स्पष्टीकरण दिले. तसेच विधानसभागृहाच कामकाज संपले होते असेही ते म्हणाले होते.

त्यावर आता रोहित पवार यांनी प्रतिक्रिया दिली आहे. सभागृहाच कामकाज संपल होत हे कृषिमंत्री महोदयांचे विधान धडधडीत खोट आहे. उलट विकासाच्या मूळ प्रवाहापासून दूर असलेल्या आदिवासी बांधवांना दुधाळ जनावर देण्याच्या अत्यंत महत्वाच्या विषयावर सभागृहात चर्चा सुरू होती, पण ओसाड गावच्या पाटलांना या चर्चेत रस नसावा.. आणि मला सांगा पत्याची कोणती जाहिरात स्कीप करण्यासाठी 42 सेकंद लागतात हो? असा प्रश्न देखील रोहित पवार यांनी विचारला.