BJP News : भाजपला मोठा धक्का; रणजितसिंग मोहिते पाटलांनी दिला आमदारकीचा राजीनामा

भाजपला आणखी एक मोठा धक्का बसण्याची शक्यता आहे. रणजितसिंग मोहिते पाटील यांनी आमदारकीचा राजीनामा दिला असल्याची माहिती समोर आली आहे. इतकंच नाही तर ते आज रात्री शरद पवार यांच्या राष्ट्रवादी कॉंग्रेस पक्षात प्रवेश करणार असल्याचं देखील सूत्रांकडून सांगण्यात येत आहे. आजच्या बैठकी नंतर हा प्रवेश होणार आहे.

रणजितसिंग मोहिते पाटील हे माढामधून निवडणूक लढवण्यात इच्छुक आहेत. आज त्यांनी भाजपकडे आपल्या आमदारकीचा राजीनामा पाठवला आहे. त्यानंतर आज रात्री ते शरद पवार गटात प्रवेश करणार असल्याची माहिती सूत्रांनी दिली आहे. त्यासाठी आजच्या राष्ट्रवादीच्या कोअर कमिटीच्या बैठकीत ते स्वत: उपस्थित राहणार आहेत. विधानसभा निवडणुकीत हा भाजपला मोठा धक्का असणार आहे. त्यामुळे रणजितसिंग मोहिते पाटील यांनी पाठवेलेला राजीनामा भाजप स्वीकारेल का हे बघणं महत्वाचं ठरेल. तर दुसरीकडे त्यांच्या पक्ष प्रवेशाने शरद पवार यांची ताकद वाढणार आहे.