Prashant Koratkar Arrest: विकृत इतिहासकर प्रशांत कोरटकरला तेलंगाना पोलिसांनी ठोकल्या बेड्या, VIDEO

इतिहासकार इंद्रजीत सावंत यांना फोनवरून धमकी देणारा आणि छत्रपती शिवाजी महाराजांबद्दल वादग्रस्त विधान करणारा प्रशांत कोरटकर याच्या अखेर पोलिसांनी मुसक्या आवळल्या. मागील महिनाभर हा विकृत विचारसरणीचा इतिहासकार पोलिसांना गुंगारा देत फिरत होता. त्यामुळे संपूर्ण राज्याचे राजकारण तापले होते.

विरोधकांनी सातत्याने या प्रकरणात आवाज उठवत प्रशांत कोरटकरच्या तातडीने अटकेची मागणी केली होती. अखेर तेलंगणातून त्याला ताब्यात घेण्यात आले असून, काही वेळातच कोल्हापुरात आणण्यात येणार आहे.

यावर प्रतिक्रिया देताना इंद्रजीत सावंत यांनी समाधान व्यक्त केले. ते म्हणाले, एक विकृत मानसिकतेचा इतिहासकार अखेर पोलिसांच्या ताब्यात आला आहे. मात्र याला कायदेशीर शिक्षा होईपर्यंत आमचा लढा सुरूच राहील.