Pandharpur : आषाढी वारीनंतर विठ्ठलाचे दार 24 तास बंद, विठूरायाचे राजोपचार सुरू | VIDEO

पंढरपूरमध्ये आषाढी वारीची जय्यत तयारी आणि लाखोंच्या संख्येने झालेल्या भक्तांच्या दर्शनानंतर आजपासून श्री विठ्ठल रुख्मिणी मंदिरात देवाच्या दर्शनाला विश्रांती देण्यात आली आहे. २७ जूनपासून सुरू असलेलं २४ तास अखंड दर्शन आजपासून थांबवण्यात आलं असून, विठ्ठलाच्या पारंपरिक राजोपचारांना सुरुवात करण्यात आली आहे. वारीच्या काळात लाखो वारकऱ्यांनी विठुरायाचं दर्शन घेतलं. त्या पार्श्वभूमीवर देवाला विश्रांती देण्याची परंपरा पाळली जाते.

आजपासून देवाला थकवा दूर करण्यासाठी विशेष आयुर्वेदिक उपचार सुरू करण्यात आले आहेत. त्याला आयुर्वेदिक काढा नैवेद्य म्हणून अर्पण केला जात असून, पूजा‑अर्चा राजशाही पद्धतीने केली जात आहे.या काळात मंदिरातील दैनंदिन पूजा सोहळ्यांमध्ये विशिष्ट बदल करण्यात येतात. तसेच काही काळाने नियमित दर्शन पुन्हा सुरू करण्यात येणार आहे.