Nashik Mayor Race : अनुभवी विरुद्ध निष्ठावान; कोण होणार नाशिकचा महापौर? ४ महिलांची नावं चर्चेत

अभिजीत सोनवणे, नाशिक | साम टीव्ही

नाशिक महापालिका निवडणुकीनंतर आता महापौर कोण होणार याबाबत प्रचंड उत्सुकता आहे. महापौरपदाचं आरक्षण खुला प्रवर्गासाठी राखीव झालं असून, राजकीय घडामोडींना वेग आला आहे. नाशिकमध्ये भाजपच्या सर्वाधिक जागा निवडून आल्या आहेत. त्यामुळं सत्ता ही भाजपची असणार आहे आणि महापौर देखील भाजपचा होणार आहे, हे निश्चित मानले जात आहे. भाजपमधून आता महापौरपदासाठी जोरदार मोर्चेबांधणी सुरू झाली आहे. महापौरपदाच्या शर्यतीत अनेक नावं आघाडीवर आहेत. अनुभवी विरुद्ध निष्ठावान अशी ही अहमहमिका आहे.

माजी स्थायी समिती सभापती हिमगौरी आडके आणि माजी स्थायी समिती सभापती गणेश गीते यांच्या पत्नी दीपाली गीते यांची नावे महापौरपदाच्या शर्यतीत आघाडीवर आहेत. निष्ठावंतांमध्ये दीपाली कुलकर्णी आणि भाजपच्या आमदार सीमा हिरे समर्थक स्वाती भामरे यांची नावे देखील चर्चेत आहेत. या नारीशक्तीमधील स्पर्धेत कुणाची वर्णी लागणार याकडं नाशिककरांचं लक्ष लागलं आहे.