Saam Tv Exit Poll: नाशिकमध्ये फडकणार महायुतीचा झेंडा? वाचा एक्झिट पोलचा अंदाज

Nashik Municipal Election SaamTv Exit Poll: नाशिक महापालिका निवडणुकीचा साम टीव्हीचा एक्सिट पोल समोर आला असून सत्तेचे चित्र रोचक बनले आहे. या अंदाजानुसार शिंदेसेनेला ५५ तर भाजपला ५२ जागा मिळण्याची शक्यता वर्तवण्यात आली आहे. अजित पवार गटाच्या राष्ट्रवादीला ५, ठाकरेसेनेला ५, शरद पवार राष्ट्रवादीला १, मनसेला २ आणि इतरांना १ जागा मिळू शकते. नाशिकमध्ये सत्ता स्थापन करण्यासाठी भाजप आणि शिंदेसेनेला एकत्र यावे लागणार असल्याचे संकेत आहेत. ठाकरेसेना आणि मनसेची पहिली सभा नाशिकमध्ये झाली असली, तरी नाशिककरांचा कौल त्यांच्या बाजूने नसल्याचे एक्सिट पोलमधून दिसत आहे. राज्याची मिनी विधानसभा समजल्या जाणाऱ्या महापालिकांच्या रणसंग्रामात कोण बाजी मारणार, हे लवकरच स्पष्ट होणार आहे.